Tramp mövqeyini dəyişir FOTO

ABŞ prezidenti Donalt Tramp Rusiyayay qarşı əvvəlki balanslaşdırılmış siyasi baxışlarını və mövqeyini dəyişməli olub. Xüsusilə də, Rusiyanın Polşaya dron hücumu Trampı Putinə qarşı sərt ittihamlara səsləndirməyə məcbur edib. Hətta d. Tramp Rusiyanı Ukrayna torpaqlarını işğal etməkdə günahlandırıb. Bununla bağlı yaydığı məlumatda “ Politico” nəşri iddia edib ki, Tramp Rusiyayay qarşı daha sərt sanksiyaların tətbiq olunması təklifi ilə çıxış edəcək. Tramp jurnalistlərə deyib: "Bu həftə hər iki ölkədən 8 min əsgər öldü. Rusiyadan bir az daha çox, ancaq siz təcavüzkar olanda daha çox itirirsiniz".

Tramp əvvəllər Moskvanı işğala görə qınamaqdan imtina etmişdi və fevral ayında onun administrasiyası Rusiya və Şimali Koreya ilə birlikdə BMT-nin Ukraynanın ərazi bütövlüyünü dəstəkləyən və Rusiyanı təcavüzə görə qınayan qətnaməsini rədd etmişdi.

ABŞ həmçinin G7-nin Rusiyanı təcavüzkar adlandıran bəyanatına qarşı çıxıb.Tramp aprel ayında “sizdən 20 dəfə böyük olan bir ölkəyə qarşı müharibəyə başlaya və sonra da sizə bir neçə raket verəcəklərini gözləyə bilməzsiniz” deyərək müharibədə Ukraynanı günahlandırmışdı.

Lakin yayda Trampın Kremlə münasibəti dəyişdi və Rusiya lideri Trampın Vladimir Zelenski ilə birbaşa sülh danışıqları aparmaq səylərini əngəllədiyi üçün onun administrasiyası Vladimir Putinə getdikcə daha çox təzyiq göstərdi."Yeddi müharibəni dayandırdım və bunun mənim üçün asan olacağını düşündüm, amma çətin oldu" dedi Tramp bazar günü Rusiyanın işğalına toxunaraq.Trampın daha sərt mövqeyi Putini Zelenski ilə masa arxasına gətirə bilmədiyi üçün administrasiya Rusiyaya qarşı daha sərt sanksiyalar tətbiq etmək çağırışları ilə üzləşir.Tramp bazar günü bildirib ki, o, bunu etməyi planlaşdırır, ancaq Avropa Rusiya neftini almağı dayandırdıqdan və öz sanksiyaları rejimini gücləndirdikdən sonra.

Macarıstan və Slovakiya Aİ-nin Rusiya enerjisinin ən böyük alıcılarıdır və Avropa Komissiyasının onları mərhələli şəkildə ləğv etmək səylərinə qarşı çıxıblar.

Qismət