Şəhid Elşən Piriyevin doğum günündə xatirəsi anılıb

24 sentyabr 2025-ci il tarixində Ağstafa rayonunda Vətən müharibəsi şəhidi Piriyev Elşən Səfalət oğlunun doğum günündə əziz xatirəsi yad olunub.

Yeni Azərbaycan Partiyası Ağstafa rayon təşkilatının, Ağstafa Rayon İcra Hakimiyyəti aparatının əməkdaşları, şəhidimizin ailə üzvləri və rayon ictimaiyyətinin nümayəndələri Kolxəlfəlikənd qəbirstanlığında şəhidin məzarını ziyarət ediblər, önünə gül dəstələri düzüblər və ruhuna dualar oxuyublar.

Tədbir çərçivəsində şəhidimizlə eyni məzarlıqda uyuyan digər şəhidlərimizin də məzarları ziyarət olunub, önlərinəə gül dəstələri düzülərək, əziz xatirələri ehtiramla anılıb.

Allah bütün şəhidlərimizə rəhmət eləsin!