Şəmkirdə Anım Günü ilə bağlı dəyirmi masa keçirildi

Yeni Azərbaycan Partiyası Şəmkir rayon təşkilatında 27 Sentyabr - Anım Gününün beşinci ildönümü münasibəti ilə dəyirmi masa keçirilib.

Tədbir Azərbaycan Respublikasının Dövlət Himninin səsləndirilməsi və Vətən uğrunda canlarını fəda etmiş şəhidlərin xatirəsinin bir dəqiqəlik sükutla yad olunması ilə başlayıb

Tədbirdə YAP Şəmkir Rayon Təşkilatının sədri Fəxrəddin Vəliyev, Şəmkir Rayon İcra Hakimiyyəti başçısının müavini Aynur Abdullayeva, Şəmkir Rayon İcra Hakimiyyətinin, Yeni Azərbaycan Partiyasının əməkdaşları, şəhid ailələri və partiya fəalları iştirak etdilər.

Çıxış edən YAP Şəmkir Rayon Təşkilatının sədri Fəxrəddin Vəliyevqeyd edib ki, 27 sentyabr – Anım Günü hər bir azərbaycanlı üçün həm hüzn, həm də qürur günüdür. Bu gün biz qəhrəman şəhidlərimizi yad edir, onların ruhu qarşısında baş əyirik. Eyni zamanda fəxr edirik ki, Azərbaycan xalqı bir yumruq kimi birləşərək öz torpaqlarını işğaldan azad etdi. Muxtar Nağıyev çıxışında həmçinin 2025-ci ilin "Konstitusiya və Suverenlik ili" elan olunmasının əhəmiyyətindən bəhs edib. Bildirib ki, bu təşəbbüs Azərbaycan dövlətçiliyinin hüquqi əsaslarının möhkəmləndirilməsi, müstəqillik dəyərlərinin təbliği baxımından böyük tarixi əhəmiyyət daşıyır.

Şəmkir Rayon İcra Hakimiyyəti başçısının müavini Aynur Abdullayeva 44 günlük Vətən müharibəsində qazanılan tarixi Qələbədən, bu zəfərin əldə edilməsində şəhid və qazilərimizin misilsiz fədakarlığından söz açıb, Anım Gününün dövlətimiz və xalqımız üçün əhəmiyyətinə toxunublar.

Qeyd olunub ki, Prezident, Müzəffər Ali Baş Komandan cənab İlham Əliyevin rəhbərliyi ilə Azərbaycan Ordusu düşməni darmadağın edərək ölkəmizin ərazi bütövlüyünü bərpa etmiş, xalqımızın uzun illər həsrətində olduğu Zəfəri təmin edib. Bu Qələbə Azərbaycan xalqının tarixinə qızıl hərflərlə yazılıb.

Digər çıxış edən natiqlər vurğulyıb ki, Anım Günü təkcə şəhidlərin xatirəsinin ehtiramla yad edilməsi deyil, həm də gənc nəslin vətənpərvərlik ruhunda tərbiyəsi, milli birliyin gücləndirilməsi baxımından mühüm əhəmiyyət kəsb edir.

Sonda tədbir iştirakçıları şəhid ailələri və qazilərə göstərilən dövlət qayğısından danışaraq, onların hər zaman cəmiyyətin diqqət mərkəzində olmasının vacibliyini qeyd ediblər.