“Azərbaycan, Türkiyə və Pakistan arasında əməkdaşlıq daha da gücləndiriləcək” - Pakistan Senatının sədri

“Bu mühazirənin əsas məqsədi xalqın maarifləndirilməsi və vətəndaşların maraqlarının qorunmasıdır. Tarix boyu insanlar azad və mədəni bir cəmiyyətdə yaşamağa can atmış, bu istək milli şüurun və ümumi inkişafın əsas hərəkətverici qüvvəsi olmuşdur”. SİA xəbər verir ki, bunu Pakistan Senatının sədri Seyid Yusuf Rza Gilani çıxışı zamanı söyləyib.O bildirib ki, bu proses yalnız təhsil məqsədi daşımır, həm də insanlarda müstəqil düşünmə, qərarvermə və sosial məsuliyyət bacarıqlarını inkişaf etdirməyə xidmət edir: “Əsas prinsiplərimiz təhlükəsizlik, səmərəlilik və effektivlikdir. Biz cəmiyyətin rifahı və sabitliyini qorumaq üçün bu prinsiplərə əsaslanırıq”.Yusuf Rza Gilani ölkələr arasında əməkdaşlığın gücləndirilməsinin xüsusi önəm daşıdığını vurğulayıb: “Anlaşma, təcrübə mübadiləsi və birlik ruhu qarşılıqlı inkişafın açarıdır. Dövlətlər arasında əlaqələrin möhkəmləndirilməsi üçün hüquqi çərçivə və institusional əməkdaşlıq vacibdir”.O həmçinin Türkiyə, Azərbaycan və Pakistan arasında üçtərəfli əməkdaşlığın əhəmiyyətinə toxunub: “İstanbulda keçirilən görüş zamanı üç ölkənin nümayəndələri bir araya gələrək bilik, təcrübə və resurs mübadiləsi apardılar. Bu, münasibətlərin daha davamlı və səmərəli şəkildə inkişafına ciddi töhfə verir”.Senat sədri çıxışının sonunda bildirib ki, Pakistan üçün bu əməkdaşlıq strateji əhəmiyyət kəsb edir, Azərbaycan tərəfindən də bu modelin geniş tətbiqi gələcəkdə münasibətlərin daha da möhkəmlənməsinə xidmət edəcək.