“Milli mənəvi dəyərlərin qorunması: Heydər Əliyev irsində gəncliyin yeri”

Yeni Azərbaycan Partiyası Qusar rayon təşkilatı “Konstitusuya və Suverenlik ili”çərçivəsində təşkilat nəzdində fəaliyyət göstərən “Heydər Əliyev siyasi məktəbini öyrənirik” dərslərinin “Milli mənəvi dəyərlərin qorunması: Heydər Əliyev irsində gəncliyin yeri” mövzusunda növbəti məşğələsi Qusar Peşə liseyində keçirilib.
Tədbir oncəsi Ümummilli lider Heydər Əliyevin və torpaqlarımızın azad edilməsində qəhrəmanlıq göstərmiş şəhidlərin xatirəsi bir dəqiqəlik sükutla yad edilmiş və Dövlət Himni ifa olunmuşdur.
Tədbirdə çıxış edən YAP Qusar rayon təşkilatının sədri David İbramxəlilov dahi şəxsiyyət Heydər Əliyevin milli-mənəvi dəyərlərə göstərdiyi xüsusi diqqət və qayğının dövlət siyasətimizin təməlində dayanan humanistlik və milli özünədərkin əsaslarını təşkil etdiyini qeyd edib.
O vurğulayıb ki, Ulu Öndər Heydər Əliyev gənc dövlətin siyasi və iqtisadi əsaslarını yaratmaqla yanaşı Azərbaycan xalqının milli-mənəvi irsini ehtiva edən ideyanın-Azərbaycançılığın təşəkkülünə müstəsna diqqət yetirib.
Təşkilatın sədri qeyd edib ki, bu cür məşğələlər gənc nəslin milli-mənəvi dəyərlər ruhda tərbiyə olunması, dövlətçilik ideyalarına sədaqət və Azərbaycançılıq duyğularının möhkəmləndirilməsi baxımından mühüm əhəmiyyət daşıyır.
Tədbirdə partiya veteranı Qorxmaz Muradov, Gigiyena və epidemiologiya mərkəzi işçiləri ərazi partiya təşkilatının sədri Nadirşah Şirinov, Qusar Peşə liseyinin direktoru Xatirə Nağıbəyova, Qusar Peşə liseyinin karyera xidməti üzrə mütəxəssisi Firəngiz Qazıyeva, şagird Rasim Dəmirov milli-mənəvi dəyərlərimizin öyrənilməsi, qorunması və gənc nəslə çatdırılmasının böyük əhəmiyyət kəsb etdiyini bildirmişdir.
Diskusiya şəraitində keçən məşğələdə gənclərin mövzu ilə bağlı sualları cavablandırılıb.
Sonda məşğələ iştirakçılarına Ümummilli lider Heydər Əliyevə həsr olunmuş video film nümayiş etdirilib.