"Heydər Əliyev ideyaları Azərbaycan xalqını daim irəli aparan yol xəritəsidir" - Fəzail Ağamalı

"Heydər Əliyev ideyaları Azərbaycan xalqını daim irəli aparan yol xəritəsidir". SİA-nın verdiyi məlumata görə, bu sözləri Ulu Öndərin anım günündə sabiq millət vəkili Fəzail Ağamalı deyib.Deputat bildirib ki, 12 dekabr Azərbaycan xalqı üçün dərin ehtiram və xatirə günü olaraq dəyərləndirilir: “Ulu Öndər Heydər Əliyev Azərbaycan dövlətçiliyinin memarı, xalqımızın qəhrəman oğlu, ölkəmizi ağır və taleyüklü sınaqlardan çıxaran böyük dövlət xadimidir. Onun müasir Azərbaycanın qurulmasında göstərdiyi tarixi xidmətlər heç zaman unudulmayacaq".Fəzail Ağamalı vurğulayıb ki, Heydər Əliyevin siyasi irsi bu gün də ölkənin inkişaf strategiyasının əsasını təşkil edir: “Heydər Əliyev ideyaları Azərbaycan xalqını daim irəli aparan yol xəritəsidir. Biz bu gün Ulu Öndərin düşünülmüş siyasətinin bəhrələrini görürük. Xalqımız Ulu Öndərin ruhu qarşısında daim ehtiramla baş əyir".Deputat Ulu Öndərin xatirəsini dərin hörmətlə yad edərək, Azərbaycan xalqına onun əziz xatirəsini yaşatmağın müqəddəs borc olduğunu qeyd edib.

Müəllif: Ziya Hikmətoğlu