Prezident İlham Əliyevin ümumbəşəri humanizm dəyərlərinə sadiqliyini əks etdirən mühüm təşəbbüs - ŞƏRH

Prezident İlham Əliyevin rəhbərliyi ilə həyata keçirilən dövlət siyasətinin əsas xüsusiyyətlərindən biri ümumbəşəri humanizm dəyərlərinə dərin sadiqlikdir. Bu sadiqlik həm daxili siyasətdə, həm də beynəlxalq münasibətlərdə özünü aydın şəkildə göstərir. Humanitar təşəbbüslər, sosial rifahın yüksəldilməsi, insan hüquq və azadlıqlarının qorunması dövlət başçısının fəaliyyətində prioritet istiqamətlərdəndir.

Prezident İlham Əliyevin təşəbbüsü ilə reallaşdırılan amnistiya aktları, sosial həssas qruplara yönəlmiş proqramlar, müharibədən zərər çəkmiş ərazilərin bərpası və məcburi köçkünlərin doğma torpaqlarına qayıdışının təmin olunması humanizm prinsiplərinin real təzahürüdür. Xüsusilə işğaldan azad olunmuş ərazilərdə aparılan bərpa-quruculuq işləri insan ləyaqətinə, təhlükəsizliyə və layiqli həyata verilən dəyərin göstəricisidir.

Bu təşəbbüslər Azərbaycanın yalnız iqtisadi deyil, eyni zamanda mənəvi inkişaf yolunu seçdiyini və Prezident İlham Əliyevin humanist lider kimi çıxış etdiyini bir daha təsdiqləyir.

Humanizm Prezident İlham Əliyevin həyata keçirdiyi dövlət siyasətinin əsas ideoloji dayaqlarından birini təşkil edir. Humanizm Azərbaycan dövlətçiliyinin müasir ideoloji əsaslarından biri olmaqla, Prezident İlham Əliyevin siyasi kursunda xüsusi yer tutur. Dövlət siyasətinin mərkəzində insan amili dayanır və bütün islahatlar və proqramlar vətəndaşların rifahının yüksəldilməsinə xidmət edir.

Sosial siyasətin gücləndirilməsi, əməkhaqlarının və pensiyaların mütəmadi artırılması, təhsil və səhiyyə sahələrində aparılan islahatlar humanist dövlət modelinin bariz nümunəsidir. Prezident İlham Əliyev dəfələrlə vurğulamışdır ki, dövlətin əsas məqsədi vətəndaşların təhlükəsiz və firavan həyatını təmin etməkdir.

Humanizm prinsipləri eyni zamanda Azərbaycanın multikulturalizm və tolerantlıq siyasətində də öz əksini tapır. Müxtəlif dinlərin, millətlərin və mədəniyyətlərin dinc yanaşı yaşaması Prezident İlham Əliyevin ideoloji baxışlarının mühüm tərkib hissəsidir. Bu yanaşma Azərbaycanı beynəlxalq aləmdə etibarlı və humanist tərəfdaş kimi tanıdır.

Müstəqil Azərbaycan dövlətinin tarixində həyata keçirilən ən böyük amnistiya aktı Prezident İlham Əliyevin humanist siyasətinin mühüm göstəricilərindən biridir. Bu amnistiya minlərlə insanın cəmiyyətə yenidən inteqrasiyasına, ailələrinə qovuşmasına və yeni həyat səhifəsi açmasına şərait yaratmışdır.

Amnistiya aktının məqsədi yalnız cəzanın yüngülləşdirilməsi deyil, eyni zamanda insanlara ikinci şans vermək, onların islah olunaraq cəmiyyətə faydalı üzv kimi qayıtmasına imkan yaratmaqdır. Bu yanaşma hüquqi dövlət prinsipləri ilə humanizm dəyərlərinin vəhdətini əks etdirir.

Prezident İlham Əliyevin təşəbbüsü ilə həyata keçirilən bu amnistiya aktı Azərbaycan dövlətinin ədalətə, mərhəmətə və insan ləyaqətinə verdiyi yüksək dəyərin təzahürüdür. Bu addım həm cəmiyyət tərəfindən müsbət qarşılanmış, həm də beynəlxalq aləmdə Azərbaycanın humanist imicini daha da möhkəmləndirmişdir.

Şakir Məmmədov

YAP Laçın rayon təşkilatının 50 saylı ƏPT-nin fəal üzvü

Laçın rayonu Bayram Məmmədov adına Minkənd kənd tam orta ümumtəhsil məktəbin riyaziyyat - informatika müəllimi