Prezident İlham Əliyevin ölkəyə rəhbərlik etdiyi dövrdə bütün sahələr davamlı inkişaf edib

Azərbaycan Respublikasının Prezidenti cənab İlham Əliyevin fəaliyyəti müasir Azərbaycanın siyasi, iqtisadi və sosial inkişaf strategiyasının formalaşdırılmasına yönəlmişdir. Onun rəhbərliyi ilə ölkədə siyasi sabitlik təmin olunmuş, milli maraqlara əsaslanan müstəqil daxili və xarici siyasət həyata keçirilmişdir.

İqtisadi islahatlar nəticəsində qeyri-neft sektorunun inkişafı sürətlənmiş, regionların sosial-iqtisadi dirçəlişi təmin edilmişdir. Əhalinin sosial rifahının yüksəldilməsi, məşğulluğun artırılması və sosial müdafiə sisteminin gücləndirilməsi Prezident fəaliyyətinin əsas prioritetlərindəndir.

Azərbaycanın beynəlxalq arenada nüfuzunun artması, strateji tərəfdaşlıqların genişlənməsi və balanslı diplomatik münasibətlərin qurulması cənab İlham Əliyevin uğurlu xarici siyasət kursunun nəticəsidir.

Prezidentin Ali Baş Komandan kimi fəaliyyəti nəticəsində ölkənin ərazi bütövlüyü bərpa olunmuş, dövlət suverenliyi tam təmin edilmişdir. Eyni zamanda milli-mənəvi dəyərlərin qorunması, mədəni irsin təbliği, gənclərin vətənpərvərlik ruhunda tərbiyəsi və hüquqi dövlət quruculuğu istiqamətində ardıcıl və məqsədyönlü tədbirlər həyata keçirilmişdir.

Səbinə İsgəndərli

Ağstafa rayon Heydər Əliyev Mərkəzinin əməkdaşı