Sabiq müdafiə naziri həbs edildi FOTO

Gürcüstanın keçmiş müdafiə naziri Baço Axalayanın həyat yoldaşı bildirib ki, əri bir neçə həftə əvvəl Polşaya səyahət etməyi planlaşdırıb, lakin sərhəddə ona giriş icazəsi verilməyib. Ani Nadareişvili bildirib ki, onlar əvvəllər "dolanmaq üçün" Polşada mühacir kimi olublar və Avropa ölkəsinə qayıtmağı planlaşdırıblar. Nadareişvilinin sözlərinə görə, Axalayanın girişinə icazə verilməməsinin səbəbi açıqlanmayıb: “Bankda çox böyük borcumuz var. Bildiyiniz kimi, burada heç kim bizə iş verməyəcək və biz iş tapa bilmirik - ona sərhəddə giriş icazəsi verilməyib və təxminən üç həftə əvvəl geri göndərilib. Səbəbini izah etməyiblər. Onlar bütün hərəkətlərimizi və bizi kimin ziyarət etdiyini çox yaxşı bilirdilər. Biz uzun müddətdir ki, nəzarət altındayıq.haqqımızda deyilənlər və yazılanlar tamamilə cəfəngiyatdır”.

Məlumat üçün qeyd edim ki, Gürcüstanın keçmiş müdafiə naziri Baço Axalaya dekabrın 25-də həbs edilib. Gürcüstan Dövlət Təhlükəsizlik Xidməti bildirib ki, həbs 4 oktyabrda Tbilisidə baş verən hadisələrlə bağlı cinayət araşdırmasının bir hissəsidir. O zaman Gürcüstan prezidentinin iqamətgahına basqın cəhdi edilmişdir. Müstəntiqlərin sözlərinə görə, Axalaya 4 oktyabr hadisələrini onlayn ərizə vasitəsilə idarə edib və aksiyaların əsas təşkilatçısı olub.

İlham