Prezidentin oğurlamasına dair yeni detallar üzə çıxdı - FOTO

Venesuela lideri Nikolas Maduronu ələ keçirmək üçün Amerika xüsusi təyinatlı qüvvələrinin keçirdiyi hərbi basqın zamanı təxminən 70-80 nəfərin öldürüldüyü ehtimal olunur. Qurbanlar arasında Venesuela və Kuba təhlükəsizlik qüvvələri, eləcə də döyüşlərdə yaralanan mülki şəxslər olub.Bu barədə The Washington Post rəsmi mənbələrə istinadən məlumat yayıb. Qeyd olunur ki, bu rəqəmlər təxminən son günlərdə Venesuela rəsmiləri tərəfindən açıqlanan rəqəmlərlə uyğun gəlir. Hücum zamanı yeddi Amerika əsgəri yaralanıb, onlardan bəziləri Maduronun iqamətgahında döyüş zamanı güllə yaralarından yaralanıb. Yaralıların bəziləri əməliyyat üçün Texasdakı hərbi tibb mərkəzinə aparılıb. Pentaqon bildirib ki, yaralı əsgərlərdən beşi artıq xidmətə qayıdıb. Daha iki əsgər hələ də aldıqları xəsarətlərdən müalicə olunurlar.

Basqın Delta Qüvvələrinin əsgərləri, 75-ci Reyndjer Alayının və ən təhlükəli hərbi tapşırıqları yerinə yetirən 160-cı Xüsusi Əməliyyatlar Aviasiya Alayının əsgərləri ilə birlikdə həyata keçirilib. Vertolyotlar Venesuela sahillərindəki dəniz gəmilərindən qalxıb və aşkarlanmamaq üçün suyun üzərində alçaqdan uçublar. Uçuş zamanı vertolyotlar atəşə tutulub. Birləşmiş Qərargah Rəislərinin sədri general Den Keynin sözlərinə görə, vertolyotlardan biri zədələnib, lakin uçuşa yararlı qalıb. Keyn həmçinin bildirib ki, "Mütləq Qətiyyət" əməliyyatı "diqqətlə planlaşdırılıb" və 20 yerdən 150 təyyarənin istifadəsini əhatə edib.

3 yanvar gecəsi Donald Trampın əmri ilə ABŞ Delta Qüvvələri Venesuelada əməliyyat keçirərək Nikolas Maduro və həyat yoldaşını əsir götürüb. Daha sonra onlar Nyu-Yorka aparılıblar və orada məhkəmə qarşısına çıxarılıblar. Lakin hakim qarşısında Maduro və onun həyata yoldaşı bütün ittihamları rədd ediblər. Əməliyyatdan sonra Tramp ABŞ-ın "müstəqil hakimiyyət keçidi" təmin olunana qədər Venesuelanı idarə edəcəyini bəyan edib.

5 yanvarda ABŞ prezidenti səlahiyyətlərini icra edən Delsi Rodrigezdən ABŞ-a ölkənin resurslarına "tam giriş" verməsini tələb edib və imtina ediləcəyi təqdirdə ciddi tədbirlər görüləcəyini söyləyib.

İlham