“Mənə beynəlxalq hüquq lazım deyil” - Tramp

ABŞ Prezidenti Donald Tramp baş komandan kimi səlahiyyətlərinin yalnız "öz əxlaqı" ilə məhdudlaşdığını, “beynəlxalq hüquq və ya digər normalarla deyil”, deyə bildirib. O, bu açıqlamanı 8 yanvar Cümə axşamı günü dərc olunan "New York Times" qəzetinə verdiyi müsahibədə edib.

Bir müxbirin dünyanın hər yerindəki ölkələrə zərbə endirmək, işğal etmək və ya məcbur etmək üçün hərbi güc tətbiqinə hər hansı bir məhdudiyyətin olub-olmadığı barədə sualına Tramp belə cavab verdi: "Bəli, bir şey var. Mənim öz əxlaqım, öz səbəbim. Məni dayandıra biləcək yeganə şey budur. Mənə beynəlxalq hüquq lazım deyil. İnsanlara zərər vermək istəmirəm", - Ağ Ev rəhbəri deyib.

Administrasiyasının beynəlxalq hüquqa riayət edib-etməməsi ilə bağlı suala Amerika lideri "bəli" cavabını verdi, lakin əlavə etdi ki, bu cür məhdudiyyətlərin ABŞ-a nə vaxt tətbiq olunacağını özü müəyyən edir. "Bu, beynəlxalq hüquqa dair tərifinizdən asılıdır", - deyə Tramp bildirib.

Nəşr yazır ki, bu ifadələr "Trampın dünyagörüşünün ən açıq təsdiqidir", burada dövlətin beynəlxalq səhnədəki hərəkətlərində qanunlar, müqavilələr və ya konvensiyalar deyil, milli güc həlledici amildir. Daha əvvəl Tramp bildirmişdi ki, ABŞ Venesuela üzərində nəzarəti həyata keçirə və onun yataqlarından uzun illər neft çıxara bilər.

VƏLİ