“Dövlət proqramı elmi yanaşma və şəffaf idarəetməyə söykənir“ - DEPUTAT DANIŞDI

“Bu məsələlərin cəmiyyəti ciddi şəkildə narahat etməsi onların ictimai-siyasi gündəmdə xüsusi yer tutmasını şərtləndirir. Su ehtiyatlarının idarə olunması, mövcud risklər və gələcək perspektivlər təkcə ekoloji deyil, eyni zamanda sosial və iqtisadi təhlükəsizlik məsələsi kimi qiymətləndirilir”. Bu sözləri SİA -ya açıqlamasında millət vəkili Fazil Mustafa bildirib.Onun sözlərinə görə, bu mövzu dövlət səviyyəsində prioritet istiqamətlərdən biri kimi diqqət mərkəzinə gətirilmişdir:“Ölkə başçısı tərəfindən bu sahəyə xüsusi diqqətin ayrılması problemin miqyasını və strateji əhəmiyyətini açıq şəkildə nümayiş etdirir. Dövlət rəhbərliyi su resurslarının qorunması, səmərəli istifadəsi və uzunmüddətli davamlılığın təmin olunması ilə bağlı prinsipial mövqe ortaya qoymuş, məsələni milli təhlükəsizlik kontekstində dəyərləndirmişdir. Bu yanaşma problemin yalnız cari deyil, həm də gələcək nəsilləri əhatə edən xarakter daşıdığını göstərir.Aparılan müzakirələrdə gələcəkdə su qıtlığının yaranma ehtimalı əsas risk faktorlarından biri kimi qeyd olunmuşdur. Su ehtiyatlarının qeyri-düzgün idarə edilməsi, israfçılıq və iqlim dəyişikliklərinin təsiri nəticəsində yaranan problemlər uzunmüddətli perspektivdə ciddi sosial-iqtisadi nəticələrə səbəb ola bilər. Bu baxımdan mövcud vəziyyətin elmi əsaslarla təhlili və preventiv tədbirlərin görülməsi zəruri hesab edilir.Eyni zamanda, su ilə bağlı potensial böhranların təməl səbəbləri də gündəmə gətirilmişdir. İnfrastrukturun köhnəlməsi, effektiv idarəetmə mexanizmlərinin yetərsizliyi və ictimai maarifləndirmənin zəifliyi bu problemlərin dərinləşməsinə şərait yaradan əsas amillər kimi göstərilmişdir. Bu faktorların aradan qaldırılması sistemli və mərhələli yanaşma tələb edir.Hesab edilir ki, aparılan müzakirələr və qoyulan konkret öhdəliklər müvafiq nəticələrin əldə olunmasına zəmin yaradacaqdır. Dövlət tərəfindən müəyyən edilən strateji hədəflər bu sahədə institusional islahatların sürətləndirilməsinə, normativ-hüquqi bazanın təkmilləşdirilməsinə və praktiki tədbirlərin həyata keçirilməsinə imkan verəcəkdir.Bu istiqamətdə müvafiq dövlət qurumlarının üzərinə düşən vəzifələri məsuliyyətlə yerinə yetirməsi həlledici əhəmiyyət kəsb edir. Koordinasiyalı fəaliyyət, elmi yanaşma və şəffaf idarəetmə prinsipləri su ehtiyatlarının qorunması və gələcəkdə mümkün böhranların qarşısının alınması baxımından əsas şərt kimi çıxış edir. Bu prosesin ardıcıl şəkildə davam etdirilməsi cəmiyyətin gözləntilərinin doğruldulmasına xidmət edəcəkdir”.

Müəllif: Günay Hacıyeva