XIV Leo narahatdır FOTO

Papa XIV Leo bütün dindarları münaqişələrdən təsirlənən bölgələrdə sülh üçün dua etməyə çağırıb. Papanın Müqəddəs Pyotr Meydanında etdiyi duadan sonra bildirdiyi kimi, Ukraynaya hücumlar qışın soyuq günlərində belə davam edir: "Hətta bu günlərdə də Ukrayna bütün əhalini qışa qarşı müdafiəsiz qoyan amansız hücumlara məruz qalmaqda davam edir. Mən cari hadisələri kədərlə izləyirəm; əziyyət çəkənlərin yanındayam və onlar üçün dua edirəm".

Onun sözlərinə görə, uzunmüddətli münaqişə həmişə mülki şəxslər üçün ciddi nəticələrə gətirib çıxarır, xalqlar arasındakı uçurumu genişləndirir və ədalətli və davamlı sülhə mane olur.

"Hər kəsi müharibəyə son qoymaq üçün səylərini artırmağa çağırıram. Gəlin sülh üçün dua edək: Ukraynada, Yaxın Şərqdə və təəssüf ki, insanların öz xalqlarının maraqlarına uyğun olmayan maraqlar uğrunda mübarizə apardığı bütün bölgələrdə. Sülh insanlara hörmətlə qurulur!" - deyə XIV Leo qeyd edib.

İlham