Azərbaycan gəncliyində özünəinam güclüdür ŞƏRH

Azərbaycanda həyata keçirilən məqsədyönlü gənclər siyasəti gənclərin inkişafında həlledici rol oynayır. Məhz dövlətin gənclərə göstərdiyi ardıcıl dəstək və diqqət nəticəsində Azərbaycan gəncliyində özünə, öz gücünə və istedadına inam hissi əhəmiyyətli dərəcədə artmışdır. Bu inam gənclərin cəmiyyətin müxtəlif sahələrində daha fəal və təşəbbüskar çıxış etməsinə şərait yaradır.

Dövlət tərəfindən yaradılan geniş təhsil imkanları, beynəlxalq proqramlar, gənclər üçün sosial və innovativ layihələr onların potensialının üzə çıxarılmasına xidmət edir. Gənclər bu imkanlardan yararlanaraq bilik və bacarıqlarını inkişaf etdirir, eyni zamanda özlərinə olan inamlarını möhkəmləndirirlər.

Azərbaycan gəncliyinin əldə etdiyi uğurlar – elm, idman, mədəniyyət və ictimai fəaliyyət sahələrində qazanılan nailiyyətlər dövlət-gənclər münasibətlərinin uğurlu nəticəsidir. Bu uğurlar gənclərdə məsuliyyət hissini artırmaqla yanaşı, onları daha böyük hədəflərə doğru ruhlandırır.

Nəticə etibarilə, dövlətin gənclərə göstərdiyi qayğı və diqqət Azərbaycan gəncliyinin formalaşmasında güclü stimul rolunu oynayır. Özünə güvənən, bacarıqlı və vətənpərvər gənclik isə ölkənin davamlı inkişafının və parlaq gələcəyinin əsas təminatıdır.

Süleyman Tağıyev

YAP Sədərək rayon təşkilatının məsləhətçisi