Kriptovalyuta əməliyyatlarına qadağa qoyulacaq FOTO

Brüssel Moskvanın sanksiyalardan yayınmaq üçün rəqəmsal aktivlərdən istifadə etməsinin qarşısını almaq üçün Rusiya ilə əlaqəli bütün kriptovalyuta əməliyyatlarına tamamilə qadağa qoymağı təklif edir.Ayrı-ayrı Rusiya kriptovalyuta platformalarına tez bir zamanda yeni strukturlar yarada biləcək hədəf qadağası əvəzinə, Avropa Komissiyası Rusiyada qeydiyyatdan keçmiş istənilən kriptovalyuta xidmətləri ilə qarşılıqlı əlaqəyə tamamilə qadağa qoymağı təklif edir. Təşəbbüsün müəlliflərinə görə, bu cür platformalar Ukraynaya qarşı müharibədə istifadə edilən mallarla bağlı əməliyyatları asanlaşdırır.

Eyni zamanda, Brüssel müəyyən ikili təyinatlı malların Rusiyada yenidən satıla biləcəyini iddia edərək Qırğızıstana ixracını qadağan etmək istəyir. Bu, AB-nin 20-ci sanksiya paketinə daxil olan antisanksiya mexanizminin ilk tətbiqi olacaq.Sənədə görə, müharibənin başlanğıcından bəri AB-dən Qırğızıstana "həssas malların" idxalı 800%, Qırğızıstandan Rusiyaya ixrac isə 1200% artıb ki, bu da "sanksiyalardan yayınma riskinin yüksək olduğunu göstərir". Paketin qəbul edilməsi üçün 27 Aİ üzv dövlətinin yekdil səsi tələb olunur. Diplomatların sözlərinə görə, üç dövlət şübhələrini ifadə edib və daha çox məlumat istəyib. İlkin plan 24 fevralda Rusiyanın işğalının ildönümünə qədər tədbirlər barədə razılığa gəlmək idi.

Plan xüsusilə Garantex kimi Rusiya platformalarının və əlaqəli xidmətlərin, o cümlədən A7 ödəniş platformasının və bu yaxınlarda dövriyyəsi 100 milyard dolları keçən A7A5 stabilkoinin inkişafını hədəfləyir.O, həmçinin 20 Rusiya bankının sanksiya siyahısına əlavə edilməsini və rəqəmsal rublla hər hansı əməliyyatın qadağan edilməsini təklif edir.

Bundan əlavə, Aİ mövcud qiymət limit sistemini əvəz edə biləcək sığorta və texniki dəstək də daxil olmaqla, Rusiya neftini daşıyan gəmilər üçün xidmətlərin tamamilə qadağan edilməsini nəzərdən keçirir.

Paketə həmçinin Rusiya poladı və metal qırıntılarının idxalına qadağalar da daxildir.

İlham