Macarıstan xəyanətdə ittiham olundu - FOTO

Almaniyanın xarici işlər naziri Yohann Vadeful bildirib ki, Avropa Birliyi xarici işlər nazirləri Macarıstanı Rusiyaya qarşı növbəti AB sanksiyalarının qarşısını almaq qərarını yenidən nəzərdən keçirməyə çağıracaqlar. O, bu açıqlamanı 23 fevral günü Reuters agentliyinə verdiyi açıqlamada bildirib. Vadeful Macarıstanı Rusiyaya qarşı sanksiyalar paketini bloklamaq qərarına görə tənqid edib: “Düşünmürəm ki, Macarıstan öz azadlıq və Avropa suverenliyi uğrunda mübarizəsinə xəyanət edir”.

O, Aİ xarici işlər nazirlərinin Macarıstanı bu qərarı yenidən nəzərdən keçirməyə çağıracağını vurğulayıb: “Biz bir daha arqumentlərimizi Budapeştdə və əlbəttə ki, burada, Brüsseldə macarlara təqdim edəcəyik və onlardan mövqelərini yenidən nəzərdən keçirmələrini xahiş edəcəyik”.

Bir gün əvvəl Macarıstanın xarici işlər naziri Peter Sijjarto Ukraynanın "Drujba" neft kəmərini təmir etməməsi iddiasını əsas gətirərək, Budapeştin Aİ-nin Rusiyaya qarşı 20-ci sanksiyalar paketini qəbul etməsinə mane olacağını bildirib.Macarıstan həmçinin Ukraynaya dizel yanacağı tədarükünün dayandırıldığını elan etdi və Aİ-dən Ukrayna üçün 90 milyard avroluq kreditin verilməsini blokladı.

Aİ Xarici İşlər Şurasının iclası başlamazdan əvvəl Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaja Kallas bildirib ki, Macarıstanın bloklaması səbəbindən Rusiyaya qarşı Aİ-nin yeni 20-ci sanksiya paketi, çox güman ki, 23 fevral Bazar ertəsi günü qəbul edilməyəcək.

İlham