Xocalı faciəsi bizim qan yaddaşımızdır - FOTOLAR

23 fevral 2026-cı il tarixində “Şəhərsalma və Memarlıq İli” çərçivəsində Yeni Azərbaycan Partiyası (YAP) Ağstafa rayon təşkilatının “Kolxəlfəli kənd”, “Xılxına kənd”, “Poylu kənd” və “Qarahəsənli kənd” Ərazi Partiya Təşkilatından olan partiya fəallarının iştirakı ilə Xocalı faciəsinin 34-cü ildönümünə həsr olunmuş “Xocalı faciəsi bizim qan yaddaşımızdır” adlı tədbir keçirilib.Tədbirə başlamazdan əvvəl müasir müstəqil Azərbaycan dövlətinin banisi, ümummilli lider Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Ağstafa rayon təşkilatının sədr müavini Yalçın İsmayılov qeyd edib ki, Xocalı faciəsi təsadüfi hadisə deyil. Bu faciəni törətməklə ermənilərin məqsədlərindən biri xalqımızı qorxutmaq, mübarizə əzmini qırmaq, tarixi torpaqlarımızın bir qisminin itirilməsi ilə barışmağa məcbur etmək idisə, digər məqsədləri isə Qarabağın dağlıq hissəsində azərbaycanlıların yaşadığı strateji əhəmiyyətli maneəni aradan qaldırmaq və ümumiyyətlə, Xocalını yer üzündən birdəfəlik silmək idi. Çünki, Xocalı elə bir yaşayış məskəni idi ki, o, Azərbaycan tarixinin qədim dövrlərindən müasir dövrə qədər tarix və mədəniyyət ənənələrini özündə əks etdirirdi.

Daha sonra tədbirdə çıxış edən natiqlər - “Qarahəsənli kənd” Ərazi Partiya Təşkilatının sədri Arifə İbrahimova, “Kolxəlfəli kənd” Ərazi Partiya Təşkilatının sədri Nadir Səttarov, sədr müavini Elxan Həsənov, Kolxəlfəli kənd tam orta məktəbin müəllimi Elçin Məmmədov və YAP Ağstafa rayon təşkilatının əməkdaşı Yunis Eyyubov Xocalı faciəsindən geniş bəhs ediblər. Bildirilib ki, 2020-ci il Vətən müharibəsində Azərbaycan Ordusu 30 il işğal altında qalan torpaqlarımızı azad etməklə yeni reallıq yaratdı, “dəmir yumruq” qalib gəldi. 44 günlük müharibədə misilsiz igidlik nümunələri göstərən qəhrəman ordumuz Müzəffər Ali Baş Komandanın rəhbərliyi ilə Xocalı faciəsi qurbanlarının da qisasını aldı, şəhidlərimizin qanı yerdə qalmadı. Azərbaycan öz ərazi bütövlüyünü bərpa etdi, Vətən yenidən bütövləşdi. Azərbaycan Respublikasının Prezidenti İlham Əliyev 2023-cü il oktyabrın 15-də Xocalı şəhərində Azərbaycan Respublikasının Dövlət Bayrağını ucaldıb.