02 mart 2026-cı il tarixində 8 Mart – Beynəlxalq Qadınlar Günü münasibətilə Yeni Azərbaycan Partiyası Nəsimi rayon təşkilatı və Modern İnkişaf və Ailə İctimai Birliyinin birgə təşkilatçılığı və bir qrup şəhid ailələrinin xanım üzvlərinin iştirakı ilə tədbir keçirilib.Tədbir Ulu Öndər Heydər Əliyevin və Azərbaycanın müstəqilliyi, suverenliyi və ərazi bütövlüyü uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Daha sonra Azərbaycan Respublikasının Dövlət Himni səsləndirilib.Tədbiri giriş sözü ilə açan Yeni Azərbaycan Partiyası Nəsimi rayon təşkilatının sədri cənab Azər Süleymanov Azərbaycan qadınının cəmiyyət həyatında rolundan, dövlət quruculuğunda və ictimai-siyasi proseslərdə fəal iştirakından bəhs edib. O, Prezident cənab İlham Əliyevin rəhbərliyi ilə ölkəmizdə qadın siyasətinin uğurla həyata keçirildiyini və Birinci vitse-prezident Mehriban xanım Əliyevanın timsalında Azərbaycan qadınının yüksək nüfuzunun beynəlxalq səviyyədə tanındığını vurğulayıb.
Sonra çıxış edən Modern Ailə və İnkişaf İctimai Birliyinin sədri xanım Zərifə Quliyeva qadınların ailə institutunun möhkəmləndirilməsində və milli-mənəvi dəyərlərin qorunmasında mühüm rol oynadığını qeyd edib.Tanınmış aparıcı və partiya fəalı xanım Lalə Azərtaş çıxışında Azərbaycan qadınının gücü, iradəsi və cəmiyyətə verdiyi töhfələrdən danışıb, qadınların ictimai fəallığının daha da artırılmasının vacibliyini diqqətə çatdırıb.
YAP Mərkəzi Aparatının Gender siyasəti və gənclərlə iş şöbəsinin müdiri xanım Zəkiyyə Musayeva isə ölkədə həyata keçirilən gender siyasəti, qadınların hüquqlarının qorunması və gənc qadınların ictimai-siyasi proseslərə cəlb olunması istiqamətində görülən işlər barədə məlumat verib.Tədbirdə şəhid anaları Lətifə Novruzova və Alimə Cəfərova çıxış edərək göstərilən diqqət və qayğıya görə minnətdarlıqlarını bildiriblər.
Sonda şəhid ailələrinin xanım üzvlərinə hədiyyələr təqdim olunub.
Tədbir Yeni Azərbaycan Partiyasının Himninin səsləndirilməsi ilə başa çatıb.
© 2002-2026, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Üzeyir Hacıbəyli küçəsi, 66. Bakı, Azərbaycan.
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV
"Səs" qəzeti "AzərTac" və SİA agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
