Etibarlı tərəfdaş - ŞƏRH

Bakı şəhərində keçirilən Cənub Qaz Dəhlizi Məşvərət Şurası çərçivəsində nazirlərin 12-ci iclası və eyni zamanda Yaşıl Enerji Məşvərət Şurası çərçivəsində nazirlərin 4-cü iclası Azərbaycanın enerji sahəsində gördüyü işlərin və gələcək planlarının müzakirəsi baxımından mühüm tədbirlərdən biri olmuşdur. Bu toplantı bir daha göstərdi ki, Azərbaycan enerji sahəsində etibarlı tərəfdaş kimi beynəlxalq aləmdə mühüm rol oynayır. Tədbirdə bir çox ölkələrin nümayəndələri, nazirlər və beynəlxalq təşkilatların rəhbərləri iştirak etmiş, enerji təhlükəsizliyi və əməkdaşlıq məsələləri ətrafında geniş fikir mübadiləsi aparılmışdır.

Tədbirin açılışında çıxış edən Prezident İlham Əliyev Azərbaycanın enerji siyasəti, həyata keçirilən layihələr və gələcək hədəflər haqqında ətraflı danışmışdır. O qeyd etmişdir ki, Cənub Qaz Dəhlizi layihəsi yalnız Azərbaycan üçün deyil, həm də Avropa və region ölkələri üçün böyük əhəmiyyət daşıyır. Bu layihə enerji təhlükəsizliyinin təmin olunmasına, ölkələr arasında əməkdaşlığın güclənməsinə və iqtisadi inkişafın sürətlənməsinə mühüm töhfə verir. Prezident vurğulamışdır ki, Azərbaycan uzun illərdir enerji sahəsində etibarlı tərəfdaş kimi özünü doğrultmuş və üzərinə götürdüyü öhdəlikləri hər zaman yerinə yetirmişdir.

Cənub Qaz Dəhlizi layihəsi Azərbaycanın təşəbbüsü ilə həyata keçirilən ən böyük enerji layihələrindən biridir. Bu layihə vasitəsilə Azərbaycan qazı Avropa bazarına çatdırılır və bir çox ölkələrin enerji ehtiyaclarının ödənilməsində mühüm rol oynayır. Prezident İlham Əliyev çıxışında bildirmişdir ki, layihənin uğurla həyata keçirilməsi Azərbaycanın beynəlxalq əməkdaşlığa verdiyi önəmin nəticəsidir. Bu layihə eyni zamanda müxtəlif ölkələr arasında qarşılıqlı etimadın möhkəmlənməsinə də şərait yaratmışdır.

Məşvərət Şurası çərçivəsində müzakirə olunan məsələlərin bir hissəsi də yaşıl gündəliklə bağlı olmuşdur. Son illərdə dünyada enerji sahəsində yeni istiqamətlər formalaşır və alternativ enerji mənbələrinə maraq getdikcə artır. Azərbaycan da bu prosesdən kənarda qalmır və ölkədə yaşıl enerji sahəsinin inkişafına xüsusi diqqət yetirilir. Prezident İlham Əliyev çıxışında qeyd etmişdir ki, Azərbaycanın böyük bərpa olunan enerji potensialı mövcuddur və bu imkanlardan səmərəli istifadə etmək ölkənin əsas məqsədlərindən biridir.

Xüsusilə külək və günəş enerjisi sahəsində Azərbaycanda geniş imkanlar mövcuddur. Qarabağ və Şərqi Zəngəzur iqtisadi rayonları “yaşıl enerji zonası” elan edilmişdir və həmin ərazilərdə bərpa olunan enerji layihələrinin həyata keçirilməsi planlaşdırılır. Bu isə həm ətraf mühitin qorunmasına, həm də enerji istehsalında yeni imkanların yaranmasına şərait yaradır. Prezident İlham Əliyev vurğulamışdır ki, gələcəkdə Azərbaycan yalnız qaz ixrac edən ölkə kimi deyil, həm də yaşıl enerji sahəsində mühüm tərəfdaş kimi tanınacaq.

Yaşıl enerji məsələsi həm də ətraf mühitin qorunması baxımından böyük əhəmiyyət daşıyır. Dünyada iqlim dəyişiklikləri ilə bağlı narahatlıqlar artdığı bir dövrdə alternativ enerji mənbələrindən istifadə daha da aktuallaşır. Bu baxımdan Azərbaycan da qlobal proseslərə qoşularaq daha təmiz və təhlükəsiz enerji mənbələrinin inkişafına çalışır. Hökumət tərəfindən bu istiqamətdə bir sıra layihələr həyata keçirilir və beynəlxalq şirkətlərlə əməkdaşlıq qurulur.

Prezident İlham Əliyev çıxışında bildirmişdir ki, Azərbaycanın enerji siyasəti yalnız iqtisadi məqsədlərlə məhdudlaşmır. Bu siyasət eyni zamanda regionda sabitliyin və əməkdaşlığın möhkəmlənməsinə xidmət edir. Enerji layihələri müxtəlif ölkələri bir araya gətirir və qarşılıqlı əlaqələrin genişlənməsinə imkan yaradır. Cənub Qaz Dəhlizi də məhz belə layihələrdən biridir və bu layihə vasitəsilə ölkələr arasında əməkdaşlıq daha da güclənir.

Tədbirdə çıxış edən digər iştirakçılar da Azərbaycanın enerji sahəsində gördüyü işləri yüksək qiymətləndirmiş və ölkəmizin beynəlxalq enerji bazarındakı rolunu xüsusi qeyd etmişlər. Bildirilmişdir ki, Azərbaycan tərəfindən həyata keçirilən layihələr Avropanın enerji təhlükəsizliyinə mühüm töhfə verir. Bu isə Azərbaycanın beynəlxalq aləmdə nüfuzunun artmasına səbəb olur.

Ümumilikdə, Bakıda keçirilən bu toplantı enerji sahəsində əməkdaşlığın inkişafı baxımından mühüm əhəmiyyət kəsb etmişdir. Burada aparılan müzakirələr gələcək layihələrin həyata keçirilməsi və yeni əməkdaşlıq imkanlarının yaradılması üçün əsas yaratmışdır. Həm ənənəvi enerji layihələri, həm də yaşıl enerji istiqamətində görüləcək işlər Azərbaycanın gələcək inkişafı üçün böyük əhəmiyyət daşıyır.

Nəticə etibarilə, Prezident İlham Əliyevin bu iclasdakı çıxışı Azərbaycanın enerji siyasətinin əsas istiqamətlərini bir daha nümayiş etdirdi. Cənub Qaz Dəhlizi layihəsinin uğurla həyata keçirilməsi, eyni zamanda yaşıl enerji sahəsində yeni təşəbbüslərin irəli sürülməsi ölkəmizin gələcəyə yönəlmiş strateji siyasətinin göstəricisidir. Azərbaycan həm ənənəvi enerji sahəsində, həm də bərpa olunan enerji istiqamətində fəaliyyətini davam etdirərək beynəlxalq əməkdaşlığın güclənməsinə və enerji təhlükəsizliyinin təmin olunmasına öz töhfəsini verməyə davam edir.

Selcan Nağdəliyeva

YAP Kəngərli rayon təşkilatının fəalı