Avropa Şurasının prezidenti narahatdır -FOTO

Avropa Şurasının prezidenti António Kosta infrastruktura, xüsusən də enerji infrastrukturuna edilən hər hansı bir hücumun qəbuledilməz olduğunu bildirib. O, bunu özünün sisial şəbəkə hesabında yazıb. António Kosta bildirib ki, mülki infrastrukturlara, xüsusən də enerji obyektlərinə edilən hər hansı bir hücum qanunsuz və qəbuledilməzdir :Bu, Rusiyanın Ukraynadakı müharibəsinə və digər hər hansı bir vəziyyətə aiddir. İranın mülki əhalisi İran rejiminin əsas qurbanıdır. Hərbi kampaniya genişlənərsə, onlar da əsas qurban olacaqlar.İndi yalnız diplomatik həllin Yaxın Şərqdəki münaqişənin kök səbəblərini aradan qaldıracağı aydındır”.

Kosta İranı regiondakı ölkələrə hücumları dərhal dayandırmağa və Hörmüz boğazından tam naviqasiya azadlığının bərpasını təmin etməyə çağırır: “Münaqişənin gərginləşməsi atəşkəsə və sülhə gətirib çıxarmayacaq. Buna yalnız danışıqlar yolu ilə, xüsusən də regional tərəfdaşların davamlı səyləri ilə nail olmaq olar”.

Medianın məlumatına görə, ABŞ kəşfiyyatı hesab edir ki, İranın Hörmüz boğazından gəmilər üçün sərbəst keçid açmağa razılaşması ehtimalı azdır, çünki bu strateji əhəmiyyətli neft ixracı arteriyasına nəzarət ABŞ ilə danışıqlarda yeganə real sövdələşmə cibi olaraq qalır.

Həmçinin bildirilib ki, ABŞ və İran Pakistandan hərbi əməliyyatlara son qoymaq və nəticədə sülh müqaviləsi bağlamaq üçün çərçivə planı alıblar və bu planın (bu gün-red) 6 apreldə razılaşdırılması gözlənilir.

İlham