Regionun yeni inkişaf memarlığı - ŞƏRH

2026-cı ilin 6 aprel tarixində Prezident İlham Əliyevin Gürcüstana reallaşdırdığı rəsmi səfər, iki qonşu dövlət arasındakı sarsılmaz bağların növbəti nümayişi olmaqla bərabər, Cənubi Qafqazın gələcək siyasi mənzərəsini cızan tarixi bir hadisəyə çevrildi. Dövlət başçısının səfər zamanı səsləndirdiyi bəyanatlar diplomatik çərçivələri aşaraq, Bakı və Tbilisi arasındakı səmimi etimadın, ortaq strateji hədəflərin və sarsılmaz siyasi iradənin manifesti kimi qəbul edildi.

Prezident İlham Əliyev öz çıxışında xüsusi olaraq qeyd etdi ki, Azərbaycan–Gürcüstan əlaqələri sadəcə ikitərəfli əməkdaşlıq deyil, bütün regionun təhlükəsizliyini təmin edən fundamental amildir. İki ölkənin bir-birinin daxili işlərinə qarışmaması və qarşılıqlı suverenliyə hörmət etməsi, Cənubi Qafqaz üçün ideal bir tərəfdaşlıq modeli yaradıb. Bu münasibətlər zamanın sınağından keçərək, hər iki xalqın mənafeyinə xidmət edən sarsılmaz bir ittifaqa çevrilmişdir.

Səfərin iqtisadi prioriteti, xüsusilə nəqliyyat və enerji sektorundakı nəhəng layihələr üzərində cəmləşdi.

Bakı–Tbilisi–Ceyhan, Bakı–Tbilisi–Qars və Cənub Qaz Dəhlizi kimi qlobal layihələr bu əməkdaşlığın real meyvələridir.

Prezident yeni infrastruktur təşəbbüslərinin anonsunu verərək, bu tərəfdaşlığın coğrafi miqyasının daha da genişlənəcəyini bildirdi.

Bu əməkdaşlıq sayəsində Azərbaycan və Gürcüstan Avrasiyanın enerji xəritəsini formalaşdıran əsas aktorlara çevriliblər.

Dövlət başçısı xalqlar arasındakı tarixi dostluğun siyasi münasibətlərin mənəvi təməli olduğunu xatırladaraq, humanitar sahədəki əlaqələrin dərinləşdirilməsinin vacibliyinə toxundu. Xüsusilə postmünaqişə şəraitində, Azərbaycanın bölgədə sülh və sabitlik tərəfdarı olması Gürcüstan səfərində bir daha dünyaya bəyan edildi. Prezident İlham Əliyevin praqmatik xarici siyasət kursu, ölkəmizin regionda sülhün əsas qarantı olduğunu təsdiqləyir.

6 aprel səfəri Azərbaycan və Gürcüstan münasibətlərində sadəcə yeni bir səhifə deyil, həm də gələcək nəsillər üçün rifah və təhlükəsizlik vəd edən strateji bir yol xəritəsidir. Bu sarsılmaz dostluq, Cənubi Qafqazın inkişaf trayektoriyasını müəyyən edən ən etibarlı faktor olaraq qalacaqdır.

Gülnar Abbasova

YAP Babək rayon təşkilatnın fəal üzvü