Avropada Ukrayna silahlarına tələbat artır - FOTO

Almaniyanın müdafiə naziri Boris Pistorius Hannover Sərgisində çıxışı zamanı bildirib ki, Ukrayna müdafiə texnologiyalarına artıq qlobal miqyasda tələbat var və innovativ həllər mənbəyinə çevrilir: "Biz həmçinin bu inkişafları nəzərdən keçirməliyik. Ukraynanın gücü təkcə döyüş meydanında və qoşunlarının peşəkarlığında deyil, həm də "yeni müdafiə texnologiyalarının inkişafında təsirli uğurlar və sürətli irəliləyiş əldə edən" yüksək innovativ potensialında nümayiş olunur”.

Boris Pistorius vurğulayıb ki, bu təcrübə tərəfdaşlar tərəfindən nəzərə alınmalıdır və Ukrayna ilə əməkdaşlıq Almaniyada sənaye potensialının və texnoloji innovasiyanın inkişafına töhfə verir.

Xatırladaq ki, Almaniyanın "Rheinmetall" şirkətinin baş direktoru Armin Pappergerin bu yaxınlarda verdiyi açıqlama qalmaqala səbəb olub. Papperger bildirib ki, Ukraynanın dron istehsalında Lego ilə oynamaqla müqayisədə heç bir innovasiya yoxdur.

Prezident Volodymyr Zelenski Rheinmetall şirkətinin baş direktorunun şərhlərini qəribə adlandırıb. O, rəqabətin ritorika yolu ilə əldə edilməməli olduğunu söyləyib.

Bu etirazdan sonra Rheinmetall, xüsusilə məhdud resursları nəzərə alınmaqla, Ukraynanın Rusiya işğalından müdafiə olunmaq səylərinə hörmətlə yanaşdığını bildirib.

İlham