Estoniya əhalisi sürətlə azalır - FOTO

Estoniya Milli Statistika İdarəsi tərəfindən açıqlanana məlumata görə, ölkə əhalisi 2025-ci ildə ardıcıl ikinci il azalaraq təxminən 1,36 milyona çatıb. 1 yanvar 2026-cı il tarixinə Estoniya əhalisi əvvəlki illə müqayisədə 9250 nəfər azalaraq 1.360.745 nəfər təşkil edib. Bu, əhalinin azalmasının ardıcıl ikinci ilidir.

Ölkədə 9240 doğuş və 15.688 ölüm halı qeydə alınıb. 15.212 nəfər Estoniyaya köçüb, 18.014 nəfər isə mühacirət edib.2025-ci ildə doğuşların sayı 2024-cü illə müqayisədə 450 nəfər az olub, lakin bu, həm də son dörd ildə doğuş nisbətində ən kiçik azalmadır.Ümumi doğuş nisbəti hər qadına 1,16 uşaq düşüb. Estoniyalı qadınların doğuşunun orta yaşı 31,2 il olub; ilk dəfə ana olanların yaşı 29,4 ildir. Qadınların ana olma yaşı artmaqda davam edir və bu tendensiya son 30 ildə dəyişməz olaraq qalır.

2025-ci ildə Estoniyanı tərk edən Ukrayna vətəndaşlarının sayı gələnlərdən daha çox olub (müvafiq olaraq 5617 və 4791).

Litvada prezident məyusedici doğum tendensiyaları fonunda iki və ya daha çox uşağı olan ailələr üçün maliyyə stimulları təklif edib. Vətəndaşların əksəriyyəti bu cür tədbirlərin müəyyən müsbət təsir göstərəcəyinə inanır.

Qeyd edək ki, doğum nisbətlərinin azalması və atalığın daha gec yaşlara təxirə salınması tendensiyası bütün Avropa ölkələrini əhatə edir.

İlham