Milli komandamızı qazandığı böyük qələbə münasibətilə təbrik edirəm - ŞƏRH

Milli komandamızın Tiranada keçirilmiş Avropa çempionatında qazandığı qələbə Azərbaycan idmanının inkişaf səviyyəsini və güləşçilərimizin gücünü bir daha nümayiş etdirdi. Bu uğur təsadüfi deyil, uzun illər aparılan məqsədyönlü hazırlığın, zəhmətin və peşəkar yanaşmanın nəticəsidir.

Müasir dövrdə güləş üzrə rəqabət həm Avropada, həm də dünyada xeyli güclənib. Bir çox ölkələrin tanınmış və təcrübəli idmançıları yüksək nəticələr göstərirlər. Belə bir şəraitdə Azərbaycan güləşçilərinin komanda hesabında birinci olması onların həm fiziki, həm də mənəvi cəhətdən üstün olduqlarını sübut edir. Yarışlar zamanı idmançılarımızın nümayiş etdirdiyi dözümlülük, iradə və taktiki bacarıq xüsusi qeyd olunmalıdır.

Bu qələbə həm də ölkəmizdə idmana göstərilən diqqət və qayğının nəticəsidir. Dövlət tərəfindən yaradılan şərait, idman infrastrukturu və məşq prosesinə verilən dəstək bu kimi uğurların əldə olunmasında mühüm rol oynayır. Eyni zamanda, bu nailiyyət gənc nəslin idmana marağını artırır və onları sağlam həyat tərzinə istiqamətləndirir.

Hesab edirəm ki, əldə olunan bu böyük qələbə gələcək uğurlar üçün möhkəm zəmin yaradır. Azərbaycan idmançıları bundan sonra da beynəlxalq yarışlarda ölkəmizi layiqincə təmsil edəcək və yeni zirvələr fəth edəcəklər. Bu cür nailiyyətlər hər birimizdə qürur hissi yaradır və milli birliyimizi daha da gücləndirir.

Kərimli Elvin

Yap Ordubad Rayon Təşkilatının əməkdaşı