"Heydər Əliyev və Yeni Azərbaycan" - FOTOLAR

Qobustan Gənclər Evində Qobustan Rayon İcra Hakimiyyətinin, YAP Qobustan rayon təşkilatının,DŞRT-nin Qobustan rayonu üzrə Təhsil sektorunun və Elm və Təhsil İşçiləri Həmkarlar İttifaqı rayon Komitəsinin birgə təşkilatçılığı ilə "Şəhərsalma və Memarlıq ili " çərçivəsində Ulu Öndər Heydər Əliyevin anadan olmasının 103-cü ildönümünə həsr olunmuş "Heydər Əliyev və Yeni Azərbaycan" adlı tədbir keçirilmişdir.
Əvvəlcə Azərbaycan Respublikasının Dövlət Himni səsləndirilmiş,Partiyamızın yaradıcısı Ulu Öndər Heydər Əliyevin və Şəhidlərimizin əziz xatirəsi bir dəqiqəlik sükutla yad olunmuşdur.
Daha sonra Ulu Öndər Heydər Əliyevin həyat və yaradıcılığına həsr olunmuş "Heydər Əliyev və Yeni Azərbaycan" adlı filmə baxılmışdır.
Tədbirdə Rayon İcra Hakimiyyətinin başçısı Adil Məmmədov,YAP Qobustan rayon təşkilatının sədri Qasım Qasımov, Qobustan rayonu üzrə Təhsil sektorunun müdiri Anar Osmanov, ETİHİ-nin rayon Komitəsinin sədri Mahir Soltanov,Təklə Mirzəbaba kənd tam orta məktəbinin müəllimi Çinarə Abuzərova və canlı əfsanə, "Vətən Müharibəsi Qəhrəmanı" Mirdamət Bağıyevin atası Səristan Bağıyev çıxış etmişlər.
Çıxışlar bitdikdən sonra partiya veteranı, uzun illər Poladlı məktəbinin direktoru olmuş Ağamahmud İsmayılov 80 illik yubileyi münasibətilə rayon partiya təşkilatının Fəxri Fərmanı və qiymətli hədiyyəsiylə mükafatlandırılmışdır.Təhsildə qazandığı nailiyyətlərə görə 4 nəfər müəllim, Vüsalə Hüseynova, şagirdi Şəhrizad Cavadlı Respublika fənn olimpiadalarında (RFO) Tarix fənni üzrə qızıl medal qazandığına, Vəfa Əhmədova şagirdi Arzu Ağayeva RFO-da Azərbaycan dili fənni üzrə gümüş medal qazandığına,Altay Əmirov hərbi rəhbərliyi ilə komandası ,,Şahin,, idman oyunlarında I yerə layiq görüldüyünə, Dilarə İsmayılova şagirdi Ələddin Səfərli " Ən yaxşı təqdimat" müsabiqəsində II yerə layiq görüldüyünə görə ETİHİ Qobustan rayon Komitəsinin hədiyyəsi və Təşəkkürnaməsi ilə mükafatlandırılmışlar.
Tədbirin rəsmi hissəsi Yeni Azərbaycan Partiyası Himninin sədaları altında başa çatmışdır.
Sonra Dağlıq Şirvan Regional Mədəniyyət İdarəsi və Qobustan şəhər R.Behbudov adına Uşaq İncəsənət Məktəbinin hazırladığı rəngarəng konsert proqramı ilə tədbir başa çatmışdır.