Rusiya Dövlət Duması separatçı qanun qəbul etdi - FOTO

Rusiya Dövlət Duması, Kreml lideri Vladimir Putinə "Rusiya vətəndaşlarının hüquqlarını qorumaq" üçün qanuni olaraq digər ölkələrə qoşun göndərməyə icazə verən qanun layihəsini ikinci və üçüncü oxunuşda qəbul edib. Bu barədə İnterfaks xəbər agentliyi məlumat yayıb. Nəşrin məlumatında qeyd olunur ki, Putin Rusiya silahlı qüvvələrinə "xarici məhkəmələrin qərarları ilə həbs edilmiş, saxlanılmış və ya cinayət və ya digər məsuliyyətə cəlb edilmiş Rusiya vətəndaşlarını qorumaq vəzifələrini yerinə yetirmək" səlahiyyəti verə bilər.

Qanunvericilik təşəbbüsünün lehinə 381 deputat (84,7%) səs verib. Bitərəf və ya əleyhinə səs verən olmayıb. Qanun layihəsi, NATO və Avropa kəşfiyyat orqanlarının Rusiyanın bir və ya daha çox müttəfiq ölkəsi ilə mümkün münaqişəyə hazırlıqları ilə bağlı bir sıra xəbərdarlıqlarından sonra Dövlət Dumasına təqdim edilib.

Qeyd edə ki, 2025-ci ilin yayında Almaniya kəşfiyyatının rəhbəri BND Baltikyanı ölkələrdə Krım ssenarisinə bənzər təxribat riski barədə xəbərdarlıq edib, Fransa Baş Qərargah rəisi general Fabien Mandon isə növbəti üç-dörd il ərzində Rusiya ilə toqquşmaya hazırlıq çağırışı edib.

Müharibə Tədqiqatları İnstitutunun (ISW) mütəxəssislərinin fikrincə, Rusiyada bu cür hazırlıqların "sıfır mərhələsi" artıq başlayıb: hərbi rayonlar yenidən qurulur, Finlandiya ilə sərhəddə bazalar yaradılır və Avropada təxribatlar, GPS-in sındırılması və digər təxribatlar qeydə alınır.

İlham