Tramp, Demokratları və ABŞ mediasını İran məsələsində sərt tənqid edib

ABŞ Prezidenti Donald Trump Demokrat siyasətçiləri və ABŞ mediasının bir hissəsini İran məsələsində kifayət qədər razı qalmamaq və qərəzli mövqe sərgiləməkdə günahlandırıb.

SİA xarici KİV-ə istinadən xəbər verir ki, Tramp sosial media hesabında etdiyi paylaşımda Demokratları və bəzi Amerika mediasını ABŞ-nin İrana qarşı əldə etdiyi "uğurları" görməzdən gəlməkdə ittiham edib.

Prezident Tramp paylaşımında The New York Times, The Wall Street Journal və CNN kimi media qurumlarını hədəf alaraq bildirib ki, "Demokratlar və media tamamilə yolunu azıb, sanki dəli olublar."

Hörmüz Boğazındakı proseslərlə bağlı tənqidlərə də cavab verən Tramp belə deyib:

"Əgər İran ABŞ qarşısında məğlubiyyətini qəbul edib təslim olsa, donanmasını və hava qüvvələrini tamamilə itirdiyini etiraf etsə, bütün ordusu silahlarını yerə qoyub əllərini qaldırsa və hamısı ‘Təslim oluram’ deyə qışqırsa belə, ABŞ mediası yenə də bu müharibəni İranın qazandığını yaza bilər."

Tramp İranla bağlı ABŞ hücumlarının başladığı gündən etibarən həm sosial şəbəkələrdə, həm də mətbuat konfranslarında Demokratlara və ABŞ mediasına sərt cavablar verməyə davam edir.