Azərbaycanın yaşıl gündəliyi və qlobal reallıqlar - ŞƏRH

2026-cı il iyunun 1-də Bakı Ekspo Mərkəzində keçirilən Bakı Enerji Həftəsinin rəsmi açılış mərasimində Azərbaycan Respublikasının Prezidenti İlham Əliyev iştirak edərək çıxış etmişdir. Tədbir çərçivəsində 31-ci Beynəlxalq Xəzər Neft və Qaz Sərgisi “Caspian Oil and Gas”, 14-cü Xəzər Beynəlxalq Təmiz Enerji Sərgisi “Caspian Power” və 31-ci “Baku Energy Forum” təşkil olunmuşdur.
Prezident çıxışında qeyd etmişdir ki, Xəzər Neft və Qaz Sərgisi müasir Azərbaycanın enerji inkişafının təməlini qoymuş və ölkənin beynəlxalq enerji bazarına inteqrasiyasında mühüm rol oynamışdır. O vurğulamışdır ki, enerji sektoru Azərbaycanın iqtisadi inkişafının, siyasi sabitliyinin və beynəlxalq nüfuzunun əsas dayaqlarından biridir.
Dövlət başçısı Azərbaycanın son illərdə enerji sahəsində əldə etdiyi nailiyyətlərdən danışaraq ölkənin etibarlı enerji tərəfdaşı kimi mövqeyini daha da möhkəmləndirdiyini bildirmişdir. Onun sözlərinə görə, Azərbaycan həm neft və qaz ehtiyatlarının səmərəli istifadəsinə, həm də bərpa olunan enerji mənbələrinin inkişafına xüsusi diqqət yetirir. Bu istiqamətdə həyata keçirilən layihələr ölkənin enerji təhlükəsizliyinin gücləndirilməsinə və dayanıqlı inkişafın təmin edilməsinə xidmət edir.
Çıxış zamanı Prezident İlham Əliyev beynəlxalq əməkdaşlığın əhəmiyyətini vurğulayaraq Azərbaycanın müxtəlif ölkələr və beynəlxalq şirkətlərlə uğurlu tərəfdaşlıq münasibətləri qurduğunu qeyd etmişdir. O, enerji layihələrinin regionda sabitliyə, iqtisadi əməkdaşlığa və qarşılıqlı faydalı əlaqələrin inkişafına mühüm töhfə verdiyini bildirmişdir.
Prezident həmçinin Azərbaycanın yaşıl enerji strategiyası barədə məlumat verərək günəş və külək enerjisi layihələrinin genişləndirildiyini, ölkənin gələcəkdə yaşıl enerji ixracatçılarından birinə çevrilməsinin hədəfləndiyini diqqətə çatdırmışdır. Bu siyasət ölkənin enerji sektorunun şaxələndirilməsinə və ekoloji davamlılığın təmin edilməsinə xidmət edir.
Sonda dövlət başçısı Bakı Enerji Həftəsinin beynəlxalq enerji dialoqu üçün mühüm platforma olduğunu vurğulamış, tədbir iştirakçılarına uğurlar arzulamış və forum çərçivəsində aparılacaq müzakirələrin enerji sahəsində yeni əməkdaşlıq imkanlarının yaranmasına töhfə verəcəyinə əminliyini ifadə etmişdir.
Prezident İlham Əliyevin çıxışı Azərbaycanın enerji siyasətinin əsas istiqamətlərini, ölkənin qlobal enerji bazarındakı rolunu və yaşıl enerji sahəsində gələcək hədəflərini əks etdirərək Bakı Enerji Həftəsinin strateji əhəmiyyətini bir daha nümayiş etdirmişdir.
Əsmər Hacıyeva

YAP Tərtər rayon təşkilatının fəalı