Heydər Əliyev və Qurtuluş fəlsəfəsi - FOTOLAR

Yeni Azərbaycan Partiyası Ağdaş rayon təşkilatı Şordəhnə kənd ərazi partiya təşkilatında 15 İyun - Milli Qurtuluş Günü ilə bağlı “Heydər Əliyev və Qurtuluş fəlsəfəsi” mövzusunda tədbir keçirilib.

Tədbiri Şordəhnə kənd ərazi partiya təşkilatının sədri Rəsul Nəbiyev açaraq ölkəmizin qurtuluş tarixindən danışıb. O qeyd edib ki, Ulu Öndər Heydər Əliyev Azərbaycan xalqını və dövlətini parçalanmaq, məhv olmaq təhlükəsindən xilas etmişdir.
Ağdaş rayon İcra Hakimiyyəti başçısının Şordəhnə kənd inzibati ərazi dairəsi üzrə nümayəndəsi Məzahir Paşayev isə çıxışında Azərbaycanın müstəqilliyinin bərpasından sonrakı illərdə yaşanan problemləri xatırladıb. Ulu Öndər Heydər Əliyevin uzaqgörən siyasəti nəticəsində Azərbaycanın olmazın bəlalardan qurtulduğunu bildirib.
Yeni Azərbaycan Partiyası Ağdaş rayon təşkilatının ideoloji işlər üzrə məsləhətçisi Anar Şahmuradov çıxış edərək bildirib ki, Ulu Öndər Heydər Əliyev 1993-cü ilin iyun ayında xalqın təkidli tələbi ilə Bakıya qayıdaraq ölkədəki xaos və anarxiyanın qarşısını aldı. O, cəmiyyəti parçalayan daxili çəkişmələrə son qoyaraq, xalqı azərbaycançılıq ideologiyası ətrafında birləşdirdi və milli həmrəyliyi bərqərar etdi. Bununla da Azərbaycanda sabitlik təmin edildi, ölkə nizamlı inkişaf yoluna qədəm qoydu. Ulu Öndərin siyasi kursunu layiqincə davam etdirən Prezident İlham Əliyev müstəqil Azərbaycanın ərazi bütövlüyünü və suverenliyini bərpa etdi. Azərbaycan öz zəfəri ilə regionda yeni reallıqlar yaratdı. Ulu Öndər Heydər Əliyevin siyasi kursunun uğurla həyata keçirilməsi 90-cı illərin əvvəllərində parçalanmaq təhlükəsi ilə üz-üzə qalan Azərbaycan xalqını qalib xalqa çevirdi.
Partiya fəallarından Sahib Əhmədov, Cəsarət Alcanova və Orxan Əhmədov çıxış edərək bildiriblər ki, 1993-cü ilin 15 iyun günü tariximizə qızıl hərflərlə yazılıb və qalib dövlətin vətəndaşı olmaq böyük xoşbəxtlikdir. Natiqlər Ulu Öndər Heydər Əliyevin siyasi kursunun Azərbaycan dövləti və xalqı üçün müstəsna əhəmiyyət daşıdığını, Prezident İlham Əliyevin yürütdüyü siyasətin isə xalqımız tərəfindən yekdilliklə dəstəkləndiyini vurğulayıblar.