Azərbaycan Ordusu dünyanın ən güclü orduları sırasındadır.

“Ordu ölkəmizin, millətimizin, dövlətimizin müstəqilliyinin dayağıdır!”

Ümummilli Lider Heydər Əliyev

Azərbaycanın ordu quruculuğuna və tarixinə nəzər salsaq milli ordunun yaradılması XX-əsrin əvvələrinə gedib çıxır, "1918-ci ildə Şərqdə ilk cümhuriyyəti quran babalarımız həmin ilin 26 iyun tarixində Azərbaycan Ordusunun əsasını qoydular".Azərbaycan Silahlı Qüvvələrinin yaradılmasının 108 ili tamam olur. Silahlı Qüvvələrin yaradılmasında general Səməd bəy Mehmandarov, general-leytenant Əliağa Şıxlinski və digər hərb xadimləri mühüm rol oynadılar:" Onlar həm Azərbaycan Xalq Cümhuriyyətinin liderləri, həm də müstəqil ordunun təşkilatçıları kimi tarixə düşdülər.Əliağa Şıxlinski və Səməd bəy Mehmandarov kimi tanınmış generalların rəhbərliyi ilə ordu quruculuğuna başlanıldı. Bu şəxslər, çar Rusiyası dövründə böyük hərbi təcrübə qazanmış və sonradan bu biliklərini müstəqil Azərbaycanın silahlı qüvvələrinin formalaşmasına sərf etmişdilər.Ordumuz ağır və çətin illərdə yaranmışdır.
Onun əsasının qoyulmasında Ümummilli Liderimiz Heydər Əliyevin 1998-ci il 22 may tarixli Fərmanı ilə Əlahiddə Azərbaycan korpusunun yarandığı tarix – iyunun 26-sı Azərbaycan Respublikasının Silahlı Qüvvələri Günü elan olunub.
Azərbaycan Silahlı Qüvvələrinin təkmilləşdirilməsi prosesinə isə Ümummilli Lider Heydər Əliyevin 1993-cü ildə xalqın təkidli tələbi ilə siyasi hakimiyyətə qayıdışından sonra başlanılıb. Qısa müddətdə ordumuzun strukturu tam formalaşdırılıb, bütün növ hərbi birləşmələr yaradılaraq komplektləşdirilib. Ulu Öndərin 1993-cü ildə hakimiyyətə ikinci qayıdışından sonra həyata keçirdiyi tədbirlər, ümumilikdə, Azərbaycan Silahlı Qüvvələrinin inkişafında yeni mərhələ olub.
1971-ci ildə Cəmşid Naxçıvanski adına hərbi liseyin yaradılması mühüm rol oynamışdır. Ümummilli Lider Heydər Əliyev yaxşı bilirdi ki, Azərbaycanın gələcəyi müstəqil olacaq və o zaman ölkəyə peşəkar zabitlər lazım olacaq. Məhz bu uzaqgörənliklə Cəmşid Naxçıvanski liseyi təsis edildi. Bu liseydə minlərlə gənc hərbi təhsil aldı və Azərbaycanın gələcək zabit korpusunun formalaşmasında təməl rol oynadı.Heydər Əliyev ikinci dəfə hakimiyyətə qayıtdıqdan sonra, ordu quruculuğunda ciddi islahatlara başladı. Ayrı-ayrı silahlı dəstələri ləğv edərək, vahid komandanlığa əsaslanan nizami ordu qurdu. Hərbi akademiyalar təsis edildi, hərbi qanunvericilik formalaşdırıldı, maddi-texniki baza möhkəmləndirildi və hərbi təhsil müəssisələrinin sayı artırıldı. ABŞ və Türkiyə başda olmaqla dünyanın müxtəlif ölkələrində Azərbaycan zabitləri hərbi təhsil almağa göndərildi"."Prezident İlham Əliyev isə ordu quruculuğu sahəsində bu xətti uğurla davam etdirdi. Dövlət büdcəsindən hərbi xərclər əhəmiyyətli dərəcədə artırıldı. Ordumuz müasir standartlara cavab verən peşəkar orduya çevrildi. Əgər Ümummilli Lider nizami ordunun təməlini qoymuşdursa, cənab Prezident İlham Əliyev bu ordunu peşəkar orduya çevirdi.Azərbaycan Ordusu 2016-cı ilin Aprel döyüşlərində, 2020-ci ilin 44 günlük Vətən müharibəsində və 2023-cü ilin birgünlük antiterror əməliyyatlarında öz sözünü dedi. Ən ağır döyüşlərdə qətiyyətli qələbə qazanaraq torpaqlarımızın azadlığını və ərazi bütövlüyümüzü təmin etdi.
Ali Baş Komandan, Prezident İlham Əliyevin də Şuşada ümummilli lider Heydər Əliyevin 100 illiyi ilə bağlı xalqa müraciətində qeyd etdiyi kimi, biz ordu quruculuğu işində sistemli fəaliyyət göstərirdik və bu gün də göstəririk: “İkinci Qarabağ müharibəsindən sonra biz dayanmadıq, əksinə, irəliyə gedirik. Biz daim hazır olmalıyıq. Təhdidlər artır, təhlükələr artır və biz hər bir təhlükəni dəf etməyə qadir olmalıyıq. Bu gün də belədir. Azərbaycan Ordusu dünyanın ən güclü ordularının sırasındadır - həm təchizat, həm döyüş qabiliyyəti nöqteyi-nəzərdən. Bizim ordumuz döyüşüb, bizim ordumuz öz gücünü paradda yox, döyüş meydanında göstərib. Ordu quruculuğu bu gün lazımi səviyyədə təmin edilir və bundan sonra da təmin ediləcəkdir”. Bəli, hər bir müstəqil dövlətin əsas dayağı güclü ordusu, Silahlı Qüvvələridir. Aparılan uğurlu siyasət və görülən davamlı tədbirlər sayəsində Azərbaycan Ordusu dünyanın ən güclü orduları sırasındadır. Ordumuzun müasir texnika ilə təchizatı, müntəzəm olaraq keçirilmiş təlimlər, ordumuzun döyüş potensialının gücləndirilməsi, hərbi sənayenin yaradılması və idxaldan müəyyən dərəcədə asılılığın azaldılması – bütün bunlar məqsədyönlü şəkildə aparılan siyasətin tərkib hissəsidir. Bu gün Azərbaycan sərhədləri etibarlı əllərdədir, dövlətimizə qarşı yarana biləcək istənilən təhdidə layiqli cavab verməyə qadir güclü ordumuz var. Ən əsası isə, cəmiyyətimizdə hökm sürən xalq-lider-ordu birliyi sarsılmazdır.
Ali Baş Komandanın rəhbərliyi altında bir yumruq kimi birləşərək, vətənin müdafiəsini və təhlükəsizliyini hər zaman təmin edəcəkdir.

Əhməd Panayev

Nərimanov rayon ƏPT sədri
Azərbaycan Rəssamlıq Akademiyası
Mülki müdafiə qərargah rəisi