“Ukrayna Bandera ilə Avropa Birliyinə qoşulmayacaq" - FOTO

Polşa Baş nazirinin müavini və Milli Müdafiə naziri Vladislav Kosiniak-Kamış bildirib ki, Kiyev OUN və UPA xadimlərinin, xüsusən də Stepan Banderanın qeyd edilməsindən imtina etməsə, Polşa Ukraynanın Avropa İttifaqına daxil olmasına razılıq verməyəcək: “Ukrayna OUN və UPA-dan milli simvol kimi istifadə etməyə davam edərsə, Avropa İttifaqına inteqrasiyada ciddi problemlərlə üzləşəcək”.

Kosiniak-Kamış Polşanın qəti mövqe tutacağını və Ukraynadan Ukrayna millətçi hərəkatının liderlərinin qeyd edilməsindən imtina etməsini tələb edəcəyini vurğulayıb. Kosiniak-Kamış Aİ-yə qoşulan hər bir ölkənin tarixi yaddaşla bağlı tələblər də daxil olmaqla, ciddi tələblərə riayət etməli olduğunu vurğulayıb. Onun fikrincə, Avropa əməkdaşlığını qonşu Aİ üzv dövlətləri haqqında ağrı, düşmənçilik və ya yalan yayan şəxslərə və ya hərəkatlara hörmət üzərində qurmaq qəbuledilməzdir "AB Avropa əməkdaşlığını məhv edənləri kürsüyə qoya bilməz. Ukrayna Bandera ilə Avropa Birliyinə qoşulmayacaq."

O, həmçinin əlavə etdi ki, Polşa blokun genişlənməsi ilə bağlı öz qərarlarını verəcək və heç kim bu məsələdə necə səs verəcəyini diktə etməyəcək.

İlham