Azərbaycan–Slovakiya əməkdaşlığı yeni inkişaf mərhələsinə qədəm qoyur - MƏQALƏ

Azərbaycanın həyata keçirdiyi balanslaşdırılmış və çoxşaxəli xarici siyasət ölkəmizin Avropa dövlətləri ilə münasibətlərinin ardıcıl şəkildə inkişafına mühüm töhfə verir. Qarşılıqlı hörmətə, etibarlı tərəfdaşlığa və ortaq maraqlara əsaslanan Azərbaycan–Slovakiya münasibətləri də son illərdə dinamik inkişaf mərhələsinə qədəm qoyub. Bu baxımdan Slovakiya Respublikasının Prezidenti Peter Pelleqrinin 2026-cı il iyulun 14-də Azərbaycana həyata keçirdiyi rəsmi səfər iki ölkə arasında əməkdaşlığın daha da genişləndirilməsi baxımından əlamətdar hadisə kimi qiymətləndirilir. Səfər çərçivəsində Azərbaycan Respublikasının Prezidenti İlham Əliyev və Slovakiya Prezidenti Peter Pelleqrini arasında keçirilən görüşlərdə ikitərəfli münasibətlərin mövcud vəziyyəti və perspektivləri geniş müzakirə olunub. Dövlət başçıları siyasi dialoqun yüksək səviyyədə olduğunu vurğulayaraq, iqtisadiyyat, enerji, ticarət, nəqliyyat, sənaye, investisiya, humanitar və digər sahələrdə əməkdaşlığın daha da inkişaf etdirilməsi üçün geniş imkanların mövcudluğunu qeyd ediblər.​​​​​​​Azərbaycan və Slovakiya arasında siyasi münasibətlər qarşılıqlı etimada əsaslanır. İki ölkə beynəlxalq təşkilatlar çərçivəsində də konstruktiv əməkdaşlıq edir, beynəlxalq hüququn norma və prinsiplərinə hörmət nümayiş etdirir. Yüksək səviyyəli qarşılıqlı səfərlər və siyasi məsləhətləşmələr münasibətlərin davamlı inkişafına mühüm töhfə verir.​​​​​​​​​​​​Enerji sahəsi əməkdaşlığın əsas istiqamətlərindən biri olaraq qalır. Azərbaycan Avropanın enerji təhlükəsizliyinin təmin edilməsində mühüm rol oynayan etibarlı tərəfdaşdır. Prezident İlham Əliyev görüş zamanı ölkəmizin Avropanın enerji təminatına verdiyi töhfələri vurğulayaraq, enerji əməkdaşlığının gələcəkdə daha da genişlənəcəyinə əminliyini ifadə edib. Slovakiya da Azərbaycanın enerji resurslarının Avropa bazarlarına çatdırılmasında həyata keçirilən layihələrin əhəmiyyətini yüksək qiymətləndirir. İqtisadi əməkdaşlığın inkişafı da gündəmdə duran əsas məsələlərdən biridir. Ticarət dövriyyəsinin artırılması, qarşılıqlı investisiyaların təşviqi, sənaye və yüksək texnologiyalar sahəsində əməkdaşlığın genişləndirilməsi, biznes dairələri arasında əlaqələrin gücləndirilməsi iki ölkə arasında iqtisadi tərəfdaşlığın yeni mərhələyə yüksəlməsinə xidmət edir. Humanitar sahədə əməkdaşlıq, elm, təhsil, mədəniyyət və turizm istiqamətlərində əlaqələrin genişləndirilməsi də görüşlərdə xüsusi diqqət mərkəzində olub. Xalqlar arasında dostluq münasibətlərinin möhkəmləndirilməsi və qarşılıqlı mədəni əlaqələrin inkişafı dövlətlərarası münasibətlərin dayanıqlığını daha da artıran mühüm amillərdən biridir.​​​​​​​​​Slovakiya Prezidentinin Azərbaycana səfəri bir daha nümayiş etdirdi ki, iki ölkə arasında münasibətlər strateji tərəfdaşlıq ruhunda inkişaf edir. Qarşılıqlı siyasi iradə, etimad və ortaq maraqlar əməkdaşlığın gələcək illərdə daha da genişlənəcəyini göstərir. Bu səfər həm ikitərəfli münasibətlərin möhkəmləndirilməsi, həm də Azərbaycan ilə Avropa arasında əməkdaşlığın dərinləşdirilməsi baxımından mühüm əhəmiyyət daşıyır.​​​Bu gün Azərbaycan Prezident İlham Əliyevin rəhbərliyi ilə müstəqil, praqmatik və milli maraqlara əsaslanan xarici siyasət kursunu uğurla davam etdirir. Avropa dövlətləri ilə qurulan qarşılıqlı faydalı münasibətlər ölkəmizin beynəlxalq nüfuzunu daha da artırır. Slovakiya ilə əlaqələrin inkişafı da bu siyasətin uğurlu nəticələrindən biri olmaqla yanaşı, gələcək əməkdaşlıq üçün yeni imkanlar açır və Azərbaycan–Slovakiya dostluq münasibətlərinin daha da möhkəmlənəcəyinə inam yaradır.

Yeni Azərbaycan Partiyası Qəbələ rayon təşkilatının sədri Abil Ağasəfov