YAP Qusar rayon təşkilatının ərazi partiya təşkilatında hesabat-seçki yığıncağı keçirilib - FOTO

Yeni Azərbaycan Partiyası Qusar rayon təşkilatının “Heydər Əliyev prospekti 172" (Təhsil işçiləri) ünvanında yerləşən ərazi partiya təşkilatında hesabat-seçki yığıncağı keçirilib.
Yığıncaqda Yeni Azərbaycan Partiyası Qusar rayon təşkilatının sədr müavini Neva Abdurahmanova çıxış edərək bildirib ki, Yeni Azərbaycan Partiyası dövlətçiliyin möhkəmləndirilməsi, ictimai-siyasi sabitliyin qorunması, milli həmrəyliyin gücləndirilməsi və ölkənin davamlı inkişafına xidmət edən siyasi təşkilat kimi fəaliyyət göstərir.
O, daha sonra yığıncağın gündəliyində duran təşkilatı məsələlər haqqında məlumat verib.
İclasın işində çıxışlar dinlənilib, açıq səsvermə yolu ilə ərazi partiya təşkilatının sədr vəzifəsinə Qusar rayonu üzrə Təhsil sektorunun müdiri Nairə Kliçova, sədr müavini vəzifəsinə isə sektorun aparıcı məsləhətçisi Rövşən Bunyatov seçilib.
Yeni seçilmiş sədr və sədr müavininə gələcək fəaliyyətlərində uğurlar arzulanıb.