Bağlantılar və tranzit imkanları Azərbaycan–Almaniya əməkdaşlığının strateji istiqamətidir - ŞƏRH

Müasir dövrdə dövlətlər arasında tərəfdaşlığın uğuru təkcə siyasi münasibətlərlə deyil, həm də iqtisadi əməkdaşlığın dərinliyi və nəqliyyat əlaqələrinin inkişaf səviyyəsi ilə müəyyən olunur. Mənim fikrimcə, Azərbaycan ilə Almaniya arasında bağlantılar və tranzit imkanları sahəsində əməkdaşlıq bu baxımdan xüsusi strateji əhəmiyyət daşıyır.
Azərbaycanın əlverişli coğrafi mövqeyi ölkəmizi Avropa ilə Asiyanı birləşdirən mühüm nəqliyyat və logistika mərkəzinə çevirib. Son illərdə həyata keçirilən irimiqyaslı infrastruktur layihələri, beynəlxalq nəqliyyat dəhlizlərinin inkişafı və tranzit imkanlarının genişləndirilməsi Azərbaycanın qlobal ticarətdə rolunu daha da artırıb. Bu nailiyyətlər ölkəmizin etibarlı tərəfdaş kimi nüfuzunu möhkəmləndirir.
Hesab edirəm ki, Almaniya kimi Avropanın aparıcı iqtisadi güclərindən biri ilə bu sahədə əməkdaşlığın genişləndirilməsi hər iki ölkənin maraqlarına cavab verir. Qarşılıqlı etimada əsaslanan belə tərəfdaşlıq yeni iqtisadi imkanlar yaradır, ticarət dövriyyəsini artırır və regionlararası əlaqələrin daha da inkişafına təkan verir.
Mən inanıram ki, nəqliyyat və tranzit sahəsində Azərbaycan–Almaniya əməkdaşlığı yalnız bugünkü deyil, gələcək nəsillərin rifahına hesablanmış strateji istiqamətdir. Bu əməkdaşlığın davamlı inkişafı Azərbaycanın beynəlxalq nəqliyyat xəritəsində mövqeyini daha da gücləndirəcək, ölkəmizin iqtisadi inkişafına və regional əməkdaşlığın genişlənməsinə mühüm töhfə verəcək.
Bu gün formalaşan etibarlı tərəfdaşlıq münasibətləri göstərir ki, Azərbaycan beynəlxalq əməkdaşlığa açıq, etibarlı və təşəbbüskar dövlətdir. Məhz buna görə də bağlantılar və tranzit imkanları sahəsində Azərbaycan–Almaniya əməkdaşlığının gələcəkdə daha böyük uğurlara imza atacağına inanıram.

Əlisoy Əli

YAP Şərur rayon təşkilatının fəal üzvü