Cərimələr yarıya endiriləcək - FOTO

Özbəkistanda cərimələr orta hesabla yarıya endiriləcək və ilk qeyri-ciddi pozuntuya görə pozuntunu düzəltmək üçün 10 gün vaxt veriləcək. Bunla bağlı ölkə Prezidenti Şavkat Mirziyoyev məlumat paylaşıb. Onun sözlərinə görə. 2027-ci ildən başlayaraq dövlətlə mübahisələrdə "haqlılıq prezumpsiyası" tətbiq olunacaq. Prezident Şavkat Mirziyoyev bildirib ki, hazırda 51 qurum maliyyə cərimələri tətbiq etmək səlahiyyətinə malikdir. O, cərimələrdən əldə edilən gəlirin bir hissəsinin tənzimləyici qurumların özləri üçün saxlanması praktikasını tənqid edib: “Cərimələr pul yığmaq üçün deyil, sənayedə nizam-intizamın təmin edilməsi və pozuntuların qarşısının alınması üçün xidmət etməlidir. Bundan əlavə, dövlət müəssisələri tərəfindən alınan mallar üçün sahibkarlara depozitlərin qaytarılması avtomatlaşdırılacaq”.

Şavkat Mirziyoyev həmçinin dövlət qurumları ilə məhkəmə prosesinin aparılması prosedurunda dəyişiklikləri elan edib.Tənzimləyici orqanlar işə ilk instansiyada baxdıqdan sonra məhkəmə prosesinin hər sonrakı mərhələsində dövlət rüsumu ödəməli olacaqlar.Bundan əlavə, Ticarət və Sənaye Palatasının Ekspert Şurasına gömrük, tikinti, sanitariya, karantin və baytarlıq sahələrində mübahisələrə baxmaq səlahiyyəti veriləcək.

İlham