Azərbaycan Mərkəzi Asiya resurslarına çıxışı təmin edən strateji keçid rolunu oynayır - FOTO

Azərbaycanın iqtisadi, sosial uğurları, qazanılan nailiyyətləri Mərkəzi Asiya regionunda və Cənubi Qafqazda müsbət tendensiyaların yaranmasına və inkişafına gətirib çıxarır. Artıq bir sıra nüfuzlu beynəlxalq təşkilatlar, maliyyə mütəxəssisləri qeyd edirlər ki, Azərbaycanla sıx əlaqələrin qurulmasından nəinki dövlətlər, regionlar, eləcə də qitələr böyük qazanc əldə etmiş olarlar. Mərkəzi Asiyanın nüfuzlu mətbu orqanları, KİV-ləri, iqtisadçıları bildirirlər ki, Azərbaycan Mərkəzi Asiya resurslarına daha geniş bazarlara çıxış təmin edən strateji bir keçid rolunu oynayır. Xəzər dənizi üzərindən dərin dəniz kabeli çəkmək və regional elektrik şəbəkələrinin inteqrasiyası ilə bağlı razılaşmalar Qazaxıstan və Özbəkistandan Avropa bazarlarına gələcəkdə bərpa olunan elektrik enerjisinin ixracını dəstəkləyə bilər və yaşıl hidrogen bəzən uzunmüddətli bir imkan kimi müzakirə olunur. Nəticədə, Xəzər regionunu mövcud və planlaşdırılan infrastruktur vasitəsilə Avropa İttifaqı ilə birləşdirən daha geniş enerji mərkəzi tədricən formalaşır.

Bu cür əməkdaşlıq uzunmüddətli strateji faydalar təklif edir. Region artıq sadəcə xammal təchizatçısı deyil, özünü getdikcə qlobal enerji keçidinin iştirakçısı kimi təqdim edir. Bərpa olunan enerji və tranzit infrastrukturuna birgə investisiya qoyuluşu ixracatçıların və tranzit dövlətlərin maraqlarının daha sıx uyğunlaşdığı qarşılıqlı gücləndirici bir sistem yarada bilər.

İlham