Azərbaycanın yeni iqtisadi erası və qlobal investisiya prioritetləri - ŞƏRH

Bakıda keçirilən II Azərbaycan Beynəlxalq İnvestisiya Forumu (AIIF 2026) ölkənin qlobal iqtisadi arenadakı mövqeyini və gələcək inkişaf kursunu nümayiş etdirən mühüm platformaya çevrilmişdir. Forum çərçivəsində təşkil olunan xüsusi sessiyada Azərbaycan Respublikasının Prezidenti İlham Əliyev “Global Infrastructure Partners” şirkətinin sədri və baş icraçı direktoru Adebayo Oqunlesinin moderatorluğu ilə geniş mütləq Dialoqda çıxış edərək ölkənin iqtisadi transformasiyası və gələcək hədəfləri barədə konseptual baxışlarını bölüşmüşdür.

Tədbir 30 trilyon dollardan çox aktivi idarə edən qlobal investisiya fondu rəhbərlərini, beynəlxalq maliyyə təşkilatlarını və transmilli korporasiyaları bir araya gətirməklə Azərbaycanın regional investor mərkəzi kimi strateji rolunu təsdiqləmişdir.

Prezident İlham Əliyev çıxışında vurğulamışdır ki, Azərbaycanın gələcək inkişaf strategiyası son iki onillikdə formalaşan möhkəm makroiqtisadi və maliyyə təməlinə söykənir. Ölkənin qazandığı əsas iqtisadi göstəricilər gələcək layihələrin həyata keçirilməsi üçün ilkin şərt kimi qiymətləndirilmişdir:

Ölkə iqtisadiyyatı son illərdə dəfələrlə böyüyərək modernləşmiş, adambaşına düşən ÜDM həcmi kəskin şəkildə yüksəlmişdir.

Yoxsulluq səviyyəsinin 45%-dən 5%-ə endirilməsi ölkədə həyata keçirilən iqtisadi islahatların birbaşa sosial nəticəsi kimi təqdim olunmuşdur.

Dövlət Neft Fondunun (ARDNF) aktivlərinin kəskin artması və xarici dövlət borcunun ÜDM-ə nisbətən aşağı səviyyədə (təxminən 20%) saxlanılması Azərbaycan maliyyə sisteminin dayanıqlılığını təmin etmişdir.

İqtisadiyyatın şaxələndirilməsi nəticəsində qeyri-neft-qaz sektorunun ÜDM-dəki payı 70%-dən yuxarı səviyyəyə çatdırılmışdır.

Dövlət başçısı forum iştirakçılarının diqqətini Azərbaycanın növbəti onillikdə fokuslanacağı əsas iqtisadi istiqamətlərə yönəltmişdir:

Azərbaycan ənənəvi karbohidrogen ixracatçısından regional yaşıl enerji mərkəzinə çevrilməkdədir. Prezident İlham Əliyev ölkənin nəhəng bərpaolunan enerji potensialını diqqətə çatdırmışdır:

Xəzər dənizinin Azərbaycan sektorunda 157 giqavatlıq külək energisi potensialı mövcuddur.

Quru ərazisində istifadəyə verilən və inşası planlaşdırılan Günəş və külək elektrik stansiyaları xarici investorlar üçün geniş imkanlar yaradır.

İstehsal olunacaq "yaşıl" elektrikin iki ana istiqamətdə yönəldilməsi nəzərdə tutulur: ölkə daxilində yüksək texnologiyalar və AI (Süni İntellekt) məlumat mərkəzlərinin (Data Centers) təminatı və Avropa bazarlarına ixrac.

Azərbaycanın geostrateji mövqeyi onu Şərq-Qərb və Şimal-Cənub nəqliyyat dəhlizlərinin mərkəzi qovşağına çevirir. Dövlət başçısı mövcud enerji və nəqliyyat ötürücü xətlərinin genişləndirilməsi, yeni infrastruktur layihələrinin çəkilməsi və rəqəmsal şəbəkələrin yenilənməsinin investorlar üçün cəlbedici sahələr olduğunu qeyd etmişdir.

Maliyyə resurslarının və sabit iqtisadiyyatın varlığı Azərbaycana ən müasir texnologiyaları ölkəyə cəlb etmək imkanı verir. Ölkə rəqəmsal transformasiya, süni intellekt infrastrukturu və yüksək dəyər yaradan sənaye sahələrinin inkişafına açıqdır.

Prezident İlham Əliyev öz çıxışında xarici kapitalın mühafizəsi və əlverişli biznes mühitinin zəmanəti ilə bağlı vacib məqamları açıqlamışdır:

Ölkədəki daxili sabitlik və hüquqi bazanın möhkəmliyi investisiyaların təhlükəsizliyinin əsas təminatçısıdır.

Dövlət başçısı investorları obyekativ reallığa əsaslanmağa, Azərbaycanın biznes mühitini dərindən tanımaq üçün ölkəyə gəlib yerində tanış olmağa dəvət etmişdir.

Xarici mütəxəssislər və investorlar üçün Azərbaycanda rahat yaşayış və fəaliyyət mühitinin mövcudluğu xüsusi vurğulanmışdır.

II Azərbaycan Beynəlxalq İnvestisiya Forumunda Prezident İlham Əliyevin proqram xarakterli çıxışı ölkənin neft-qaz modelindən diversifikasiya olunmuş, texnoloji və "yaşıl" iqtisadiyyat modelinə keçidini bir daha nümayiş etdirdi. Azərbaycan yalnız daxili bazarını deyil, bütövlükdə regionun iqtisadi xəritəsini yeniden formallaşdıran strateji layihələr üçün qlobal investorlara açıq olduğunu təsdiqlədi.

Nurlana Yusifova

YAP Samux rayon təşkilatının əməkdaşı