Prezident bir sıra Sərəncamlar imzalayıb

Prezident İlham Əliyev Elmar Rüstəm oğlu Vəliyevin Yevlax şəhəri İcra hakimiyyətinin başçısı vəzifəsindən azad edilərək Gəncə şəhəri İcra hakimiyyətinin başçısı təyin edilməsi barədə, Qoca Çərkəz oğlu Səmədovun Yevlax şəhəri İcra hakimiyyətinin başçısı təyin edilməsi haqqında, Vaqif Qadir oğlu Əliyevin Sumqayıt şəhəri İcra hakimiyyətinin başçısı vəzifəsindən azad edilərək Azərbaycan Respublikasının mədəniyyət və turizm nazirinin birinci müavini təyin edilməsi barədə bir sıra Sərəncamlar imzalayıb. Ölkə Prezidenti həmçinin Eldar Əziz oğlu Əzizovun Gəncə şəhəri İcra hakimiyyətinin başçısı vəzifəsindən azad edilərək Sumqayıt şəhəri İcra hakimiyyətinin başçısı təyin edilməsi haqqında və Tahir Abuzər oğlu Kərimovun Daşkəsən rayonu İcra hakimiyyətinin başçısı vəzifəsindən azad edilərək Salyan rayonu İcra hakimiyyətinin başçısı təyin edilməsi barədə də Sərəncamlar imzalayıb.