Azərbaycan və Almaniya güclü tərəfdaş ölkələrdir

Dünən Prezident İlham Əliyev Almaniya Federativ Respublikasının ölkəmizdəki səfiri Per Stançinanı fəaliyyət müddətinin başa çatması münasibətilə qəbul edib. Səfir Per Stançina Azərbaycanda fəaliyyəti dövründə Prezident İlham Əliyevin rəhbərliyi ilə ölkəmizdə böyük inkişafın əldə olunduğunu vurğulayıb. O, həmçinin bu dövrdə Ermənistan-Azərbaycan, Dağlıq Qarabağ münaqişəsinə dünya birliyinin diqqətinin artdığını da qeyd edib. Dövlətimizin başçısı son illər ərzində ölkəmizin Almaniya ilə ikitərəfli münasibətlərinin uğurla inkişaf etdiyini, yüksək səviyyədə səmərəli görüşlərin keçirildiyini və güclü tərəfdaşlıq prinsiplərinə əsaslanan əlaqələrimizin bütün sahələrdə genişləndiyini vurğulayıb. Prezident İlham Əliyev əmin olduğunu bildirib ki, ölkələrimiz arasında münasibətlər bundan sonra da möhkəmlənəcək. Azərbaycan Prezidenti Per Stançinaya gələcək fəaliyyətində uğurlar arzulayıb.