Prezident bir sıra Fərman və Sərəncamlar imzalayıb

Prezident İlham Əliyev 2009-cu il sentyabrın 16-da Seul şəhərində imzalanmış "Azərbaycan Respublikasının Ekologiya və Təbii Sərvətlər Nazirliyi və Koreya Respublikasının ətraf mühit sənayesi və texnologiyalar institutu arasında Azərbaycanda ətraf mühitin idarə edilməsi üzrə baş planın hazırlanmasına dair anlaşma memorandumu"nun təsdiq edilməsi haqqında, 2009-cu il noyabrın 13-də Ankara şəhərində imzalanmış "Azərbaycan Respublikası hökuməti ilə Türkiyə Respublikası hökuməti arasında təmənnasız hərbi yardım haqqında saziş"in təsdiq edilməsi barədə, Azərbaycan Respublikası Prezidentinin bəzi Sərəncamlarına dəyişikliklər və əlavələr edilməsi barədə, Azərbaycan Respublikası və Qazaxıstan Respublikası arasında 2009-cu il oktyabrın 2-də Bakı şəhərində imzalanmış sənədlər haqqında və uşağın anadan olmasına görə müavinətin məbləğinin artırılması haqqında bir sıra Fərman və Sərəncamlar imzalayıb.