Prezident təbrik məktubu göndərib

Prezident İlham Əliyev Sloveniya Respublikasının Prezidenti Danilo Türkə bu ölkənin Milli bayramı münasibəti ilə təbrik məktubu göndərib. Məktubda deyilir:
"Hörmətli cənab Prezident, Ölkənizin milli bayramı - Dövlətçilik günü münasibətilə Sizə və bütün xalqınıza öz adımdan və Azərbaycan xalqı adından ən səmimi təbriklərimizi yetirirəm. Ümidvaram ki, Azərbaycan-Sloveniya münasibətləri, dostluq və əməkdaşlıq əlaqələrimiz xalqlarımızın rifahı naminə bundan sonra da inkişaf edəcək və genişlənəcəkdir. Bu əlamətdar gündə Sizə möhkəm cansağlığı, işlərinizdə uğurlar, dost Sloveniya xalqına sülh və rifah arzulayıram".