Prezidentin ünvanına təbrik məktubları gəlməkdədir

28 may - Respublika günü münasibəti ilə xarici ölkələrin dövlət və hökumət başçıları tərəfindən Azərbaycan Prezidenti İlham Əliyevin ünvanına təbrik məktubları daxil olmaqdadır. Amerika Birləşmiş Ştatlarının Prezidenti Barak Obama, Rusiya Federasiyasının Prezidenti Dmitri Medvedev, Çin Xalq Respublikasının Sədri Xu Szintao, Fransa Respublikasının Prezidenti Nikola Sarkozi, Almaniya Federativ Respublikasının Prezidenti Horst Köler, Pakistan İslam Respublikasının Prezidenti Asif Əli Zərdari, Birləşmiş Millətlər Təşkilatının baş katibi Pan Gi Mun göndərdikləri təbrik məktublarında Respublika günü münasibəti ilə səmimi təbriklərini çatdırıblar.