Prezident İlham Əliyev ABŞ-ın Xarici Əlaqələr Şurasının üzvlərini qəbul edib

Azərbaycan Prezidenti İlham Əliyev mayın 12-də ABŞ-ın Xarici Əlaqələr Şurasının üzvlərini qəbul edib. Dövlətimizin başçısı ABŞ nümayəndə heyətinin ölkəmizə səfərinin Azərbaycanda gedən inkişaf prosesləri ilə yaxından tanış olmaq, ölkəmiz haqqında əsl həqiqətlərin beynəlxalq ictimaiyyətə olduğu kimi çatdırmaq və ikitərəfli əməkdaşlığımıza töhfə vermək baxımından əhəmiyyətini vurğuladı. Görüşdə dövlətimizin başçısı Azərbaycanın iqtisadi inkişafı, Ermənistan-Azərbaycan, Dağlıq Qarabağ münaqişəsinin nizama salınması, regionda gedən proseslər və digər məsələlərlə bağlı qonaqları maraqlandıran suallara cavab verdi.