İmişli YGEŞ - texniki baxış mütəmadi olaraq keçirilir

Belə ki, 35-330 kV-lik EVX-də nəzərdə tutulduğundan artıq olaraq  7 km məsafədə əsaslı və cari təmir işləri yerinə yetirilib. Bununla yanaşı,  qışa hazırlıqla əlaqədar olaraq  "Xındırıstan" yarımstansiyasında gücü 25 MVA olan 1 saylı transformator, "Xalac" yarımstansiyasında 1 saylı 16 MVA-lıq, "Salmanbəyli" yarımstansiyasında isə 4 MVA-lıq transformatorlar əsaslı təmir edilmiş və hazırda gündəlik iş rejiminə müvafiq qaydada fəaliyyət göstərir.
Mənbədən daxil olan məlumata istinadən qeyd edək ki, YGEŞ-in balansında fəaliyyət göstərən yarımstansiyalarda istismar səviyyəsinin yüksəldilməsi və dayanıqlığın artırılması məqsədilə 35 kV-lik "Cəfərli", "Salmanbəyli" və "Sarı Su" yarımstansiyalarında transformatorların qəza və qısa qapanmadan mühafizə olunması üçün genişləndirmə və yenidənqurma işləri ilə əlaqədar olaraq 35 kV-lik yağ açarları quraşdırılıb. Şəbəkənin balans mənsubiyyətində olan 110 və 35 kilovoltluq yarımstansiyalarında 10 kV-lik çıxış fiderlərində İmişli və Beyləqan rayonları ərazisində nəzarət sayğacları quraşdırılıb, müvafiq tədbirlər Ağdam, Füzuli və Ağcabədi rayonlarında davam etdirilir.
YGEÇ-in ərazi vahidinə aid olan Ağcabədi rayonunda elektrik enerjisi təminatını daha da dayanıqlı təmin etmək məqsədilə  burada  35 kV-lik "Mil Massiv" yarımstansiyasında genişləndirmə işləri həyata keçirilib. Belə  ki, burada bir ədəd əlavə 4,0 MVA gücündə yeni transformator, bir ədəd yağ açarı və 16 ədəd avadanlıqlara komplektləşdirilmiş yuvalar quraşdırılıb.