Prezident bir sıra Sərəncamlar imzalayıb

Prezident İlham Əliyev Ağsu rayonunda yeni xəstəxananın tikintisi ilə bağlı tədbirlər haqqında, Azərbaycan Respublikası Səhiyyə Nazirliyinin tabeliyində olan, qan və onun komponentlərini, habelə sümük iliyini tədarük və emal edən və dondurulmuş halda saxlanılması ilə məşğul olan müəssisələrin işçilərinin əməkhaqları barədə Sərəncamlar imzalayıb. Ölkə Prezidenti eyni zamanda Azərbaycan Respublikasının ictimai-siyasi həyatında fəal iştirakına görə Şəmsəddin Hümmət oğlu Hacıyevin "Şöhrət" ordeni ilə təltif edilməsi barədə, habelə Azərbaycan Texniki Universitetinin əməkdaşlarına fəxri adların verilməsi haqqında, Azərbaycan Texniki Universitetinin əməkdaşlarının təltif edilməsi haqqında, Azərbaycan Respublikasının televiziya və radio işçilərinin təltif edilməsi haqqında və Azərbaycan Respublikasının televiziya və radio işçilərinə fəxri adların verilməsi barədə də bir sıra Sərəncamlar imzalayıb.