Sevinc Hüseynova: Ölkəmizdə əhalinin sosial müdafiəsinin gücləndirilməsi istiqamətində ardıcıl addımlar atılır

"Ölkəmizdə əhalinin sosial müdafiəsinin gücləndirilməsi istiqamətində ardıcıl addımlar atılır. Bu mənada Azərbaycan hökuməti tərəfindən aztəminatlı ailələrin sosial reabilitasiyası istiqamətində görülən işlər müsbət nəticələr verməkdədir". Bu fikri Milli Məclisin Sosial siyasət komitəsinin üzvü Sevinc Hüseynova deyib.

S.Hüseynova bildirib ki, bu proqramın həyata keçirilməsi nəticəsində ölkəmizdə yoxsulluğun səviyyəsi daha da aşağı düşür. Onun sözlərinə görə, "Özünədəstək" proqramı pilot layihə kimi özünü doğrultmaqdadır.

"Bütün bunlar onu göstərir ki, dövlətin müəyyənləşdirdiyi siyasət əsasında əhalinin məşğulluğunun artırılması istiqamətində vacib addımlar atılır"- deyə, komitə üzvü qeyd edib.

yap.org.az