TürkPA ilə Türk Dünyası Bələdiyyələr Birliyi arasında əməkdaşlığa dair saziş imzalanacaqdır

Türkdilli Ölkələrin Parlament Assambleyasının (TürkPA) sədri Ramil Həsənov Türkiyədə səfərdədir.

TürkPA-nın mətbuat xidmətindən bildirmişlər ki, səfər çərçivəsində sentyabrın 3-də TürkPA ilə Türk Dünyası Bələdiyyələr Birliyi (TDBB) arasında əməkdaşlığa dair saziş imzalanacaqdır.

Saziş hər iki təşkilat arasında əlaqələrin müxtəlif səviyyələrdə inkişaf etdirilməsi, yerli idarəetmə orqanlarının beynəlxalq parlament təşkilatı olan TürkPA-nın tədbirlərində yaxından iştirakına imkan yaratmaq, birgə layihələr, konfranslar təşkil etmək və s. məqsədi daşıyır.

Əməkdaşlıq sazişini TürkPA-nın baş katib Ramil Həsənov və TDBB-nin sədri, Kocaeli Böyük Şəhər Bələdiyyəsinin sədri İbrahim Karaosmanoğlu imzalayacaqlar.

yap.org.az