Bakıda keçirilən Beynəlxalq Münasibətlər üzrə Alimlər Assosiasiyasının II Forumu panel iclaslarla işini davam etdirir

Azərbaycan Respublikası Prezidenti Administrasiyasının və Prezident yanında Strateji Araşdırmalar Mərkəzinin (SAM) təşkilatçılığı ilə Bakıda keçirilən Beynəlxalq Münasibətlər üzrə Alimlər Assosiasiyasının "Dəyişən dünyada Cənubi Qafqaz" mövzusunda II Forumu sentyabrın 3-də işini panel iclaslarla davam etdirir.

AzərTAc xəbər verir ki, "Cənubi Qafqazda uzun müddət davam edən münaqişələr: Mürəkkəb vəziyyətdən çıxış yolu axtarışında" mövzusunda keçirilən panel iclasında SAM-ın direktoru Fərhad Məmmədov məruzə ilə çıxış etmişdir.

"Azərbaycan Respublikası Dağlıq Qarabağ Bölgəsinin Azərbaycanlı İcması" İctimai Birliyi İdarə Heyətinin üzvü, Milli Məclisin deputatı Rövşən Rzayev, Türkiyənin sabiq xarici işlər naziri Hikmət Çətin, Polşa Senatının üzvü Boqdan Klix mövzu ilə bağlı fikirlərini bölüşmüşlər.

AzərTAc