Mikayıl Cabbarov: Yüksək intellektli kadrlar Azərbaycanın inkişafının lokomotivinə çevriləcəklər

"Çox qısa bir vaxt ərzində Azərbaycan regionun liderinə çevrilib. Azərbaycanda təhsilin inkişafına da böyük diqqət yetirilir, təhsilin səviyyəsinin qaldırılması əsas strategiyalarımızdan biridir". Bu fikirləri təhsil naziri Mikayıl Cabbarov deyib.

M.Cabbarov bildirib ki, təhsil sahəsində böyük işlər, layihələr həyata keçirilir. Onun fikrincə, yalnız savadlı gənclər ölkəni irəli apara və düzgün qərarlar verə bilərlər.

"Ona görə də Azərbaycan təhsilə investisiya yatırmaqla aparıcı, elmə töhfələr verən bir ölkəyə çevrilir. Yüksək intellektli kadrlar Azərbaycanın inkişafının lokomotivinə çevriləcəklər"- deyə, nazir qeyd edib.

yap.org.az