Sentyabrda Çeyhan limanından 1 milyon 415 min 309 ton xam neft ixrac edilmişdir

Azərbyacan Respublikası Dövlət Neft Şirkətinin (ARDNŞ) marketinq və iqtisadi əməliyyatlar idarəsi 2013-cü ilin sentyabr ayında Novorossiysk limanından 162 min 821 ton, Supsa limanından 242 min 215 ton, Çeyhan limanından 1 milyon 415 min 309 ton xam neft ixrac etmişdir.

ARDNŞ-nin mətbuat xidmətindən bildirmişlər ki, ümümilikdə yanvar-sentyabr ayları ərzində Novorossiysk limanından 1 milyon 327 min 517 ton, Supsa limanından 2 milyon 79 min 973 ton, Ceyhan limanından isə 14 milyon 894 min 468 ton xam neft ixrac edilmişdir.

ARDNŞ-nin marketinq və iqtisadi əməliyyatlar idarəsi tərəfindən ixrac olunmuş xam neftin göstəriciləri həm Azərbaycan dövlətinə, həm də ARDNŞ-ə məxsus xam neft həcmlərini əks etdirir.

yap.org.az